Almatylyq qolóner sheberleri qala turǵyndaryna tegin sheberlik sabaqtaryn ótkizdi.
İsmerler kıiz basý, ártúrli sývenırlik buıymdar jasaý, áshekeı árleýdiń qyr-syryn pash etti. Mysaly júndi boıaý, tútý syndy tehnologıalarǵa qyzyǵýshylardyń deni jastar. 8 naýryz halyqaralyq áıelder kúnine arnalǵan jármeńkede jıyrmaǵa jýyq sheberlik túri kórsetildi. Odan bólek turǵyndar arasynda qyzyqtar vıktorınalar uıymdastyrylyp, durys jaýap bergender baǵaly syılyqtarǵa ıe boldy. Merekelik shara konsertke ulasty.
«Bul jerde bizde eki saǵatqa jýyq konserttik baǵdarlama bar. Odan bólek jıyrmaǵa jýyq, ózderińiz kórip otyrsyzdar, ártúrli zattardan jármeńke uıymdastyryp otyrmyz. Sony bizdiń aýdannyń turǵyndaryna, qalanyń turǵyndaryna osy merekede osyndaı is-shara uıymdastyryp, syıǵa tartqymyz kelip otyr»Medeý aýdany ákiminiń orynbasary Aıdos Nurlybaev.