Mılandyq «Inter» komandasy Almatylyq «Qaıratty» óz alańynda 2:1 esebimen jeńdi, - dep habarlaıdy Aqshamnews.kz.
Kezdesý 6 qarashaǵa qaraǵan túni Italıanyń Mılan qalasyndaǵy áıgili «Djýzeppe Meassa» stadıonynda ótti. Bul - CHL-diń jalpy kezeńindegi tórtinshi týr oıyny boldy.
Oıynnyń alǵashqy mınýttarynda alań ıeleri dopqa tolyq ıelik etip, «Qaırattyń» qaqpasyna birneshe qaýipti shabýyl jasady. 18-mınýtta «Interdiń» qorǵaýshysy Ian-Aýrel Bıssek pen «Qaırat» oıynshysy Ofrı Aradtyń arasyndaǵy epızodtan keıin tóreshi VAR júıesine júgindi, biraq penaltı belgilengen joq.
45-mınýtta mılandyqtar esep ashty. Federıko Dımarkonyń pasynan keıin Laýtaro Martınes qazaqstandyq klýbtyń qaqpasyn dál kózdep, «Interge» alǵashqy goldy syılady.
Birinshi taım 1:0 esebimen aıaqtaldy.
Ekinshi taımnyń basynda «Qaırat» sapynda Erkin Tapalov alańǵa shyqty. Al 56-mınýtta almatylyq komanda buryshtamadan keıin nátıjeli soqqy jasap, esepti teńestirdi. Goldyń avtory — qorǵaýshy Ofrı Arad.
Alaıda 67-mınýtta «Inter» qaıta alǵa shyqty. Sebastáno Espozıtonyń pasyn paıdalanyp, Karlos Aýgýsto dopty qaqpaǵa dóp túsirdi — 2:1. Qalǵan ýaqytta esep ózgermedi.
Osylaısha, Mılannyń «Interi» «Qaıratty» jeńip, óz alańyndaǵy mańyzdy úsh upaıdy enshiledi.
Aıta keteıik, bul machqa deıin ıtalıalyq komanda Chempıondar lıgasynda birde-bir gol jibermegen edi. Al «Qaırattyń» búgingi goly sol serıany úzdi.