Astanadaǵy kóterme jáne bólshek saýda bazarynda órt shyǵyp, oqıǵa ornyna órt sóndirýshiler jetti, dep habarlaıdy Aqshamnews.kz tilshisi Tótenshe jaǵdaılar mınıstrligine silteme jasap.
Vedomstvonyń málimetinshe, órt Saryarqa aýdanynda, Y. Dúkenuly kóshesinde ornalasqan bazarda bolǵan. Naqtyraq aıtqanda, angar tıpindegi bir qabatty ǵımarattaǵy eki býtıkten órt shyqqan.
«Oqıǵa ornynda jedel shtab quryldy. Órt sóndirý oqpandary engizilip, úzdiksiz sý berý qamtamasyz etildi», – delingen habarlamada.
Mınıstrlik ókilderi órt sóndirý jumystaryn kúrdelendirgen birneshe sebepti atap ótti: órt sóndirýshiler kelgen kezde jalynnyń qarqyndy taralýy, ǵımarat qurylymynyń ereksheligi, joǵary órt júktemesi jáne qatty tútindeý jaǵdaıy. Qutqarýshylar ǵımaratty tolyq tekserip shyqty, órt shyqqan sátte ishinde adamdar bolmaǵan.
«Órt sóndirýshiler jalynnyń taralý qaýpin joıyp, ashyq janýdy toqtatty. Qazirgi ýaqytta tolyq sóndirý jumystary aıaqtaldy», – dep habarlady TJM.
Resmı málimet boıynsha, órt 08:47-de tolyq sóndirildi.
Abyroı bolǵanda, zardap shekkender joq.
Órttiń shyǵý sebebi anyqtalyp jatyr.