Senimdi qorǵaý qyzmeti
Almatylyq polıseıler quqyqbuzýshylyqty anyqtap, zańsyz áreketterdiń jolyn kesý úshin portatıvti beınetirkegishterdi belsendi paıdalanyp jatyr, dep habarlaıdy Almaty-akshamy.kz.
Almaty qalalyq polısıa departamentiniń málimetinshe, qazir patrúldik qyzmet pen ýchaskelik polısıa ınspektorlary jańa beınetirkegishtermen jabdyqtalǵan.
«Beınejetondar qyzmettik mindetterdi oryndaǵan sátten bastap aıaqtalǵanǵa deıin qosylyp, úzdiksiz jazylady. Búginde ınovasıalyq sheshimdi engizý arqyly polısıa qyzmetkerleriniń zańsyz áreketi derekteri aıtarlyqtaı azaıdy. Sonymen qatar beınetirkegishterdegi jazbalar quqyq qorǵaý qyzmetkerine qarsy qandaı da bir quqyqbuzýshylyq jasalsa, senimdi qorǵaý qyzmetin atqarady», - dep habarlady qalalyq polısıa departamentiniń baspasóz qyzmeti.
Polısıa sondaı-aq onlaın qosymshasy bar jańa beınetirkegish qurylǵylary bir ýaqytta aýdıo jáne beıne jazýǵa, ár qyzmetkerdiń áreketin onlaın baqylaý júrgizýge jáne daýyspen basqarý múmkindigi bar ekenin habarlady.