Ol oqıǵa ornynan qashyp ketken.
İzdeý bóliminiń qyzmetkerleri jańa tehnologıalardy qoldana otyryp, qashyp ketken júrgizýshini anyqtady, dep habarlaıdy Almaty-akshamy.kz
25 qarasha kúni 04 saǵat 15 mınýtta Almatynyń Alataý aýdanynda adam ólimimen aıaqtalǵan jol-kólik oqıǵasy boldy.
"30 jastaǵy R.esimdi azamat, VAZ kóligin basqaryp kele jatyp, Jumabaev pen Soltústik aınalma kósheleriniń qıylysynda 29 jastaǵy O.esimdi azamatty qaǵyp, oqıǵa ornynan qashyp ketken. Ókinishke qaraı, jaıaý júrginshi alǵan jaraqattary saldarynan aýrýhanada kóz jumdy. İzdeý bóliminiń qyzmetkerleri jańa tehnologıalardy qoldana otyryp, qashyp ketken júrgizýshini anyqtady. Ol qamaýǵa alyndy. PD-niń tergeý basqarmasynda adam ólimine ákep soqtyrǵan jol-kólik oqıǵasyna qatysty QR QK-niń 345-baby 3-bóligimen (Abaısyzda adamnyń densaýlyǵyna aýyr zıan keltirýge ákep soqqan dál sol is-áreket) qozǵalǵan qylmystyq is tergelip jatyr. Kúdikti qamaýǵa alyndy", - dedi Almaty qalalyq PD jergilikti polısıa qyzmeti basqarmasy bastyǵynyń orynbasary Serik Shýmaev.
QR QK-niń 201 babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.