Ekeýi de Almaty qalalyq PD ýaqytsha ustaý ızolátoryna qamaldy.
Almaty polıseıleri sıntetıkalyq esirtki áýesqoılaryn ustady, dep habarlaıdy Almaty-akshamy.kz Polisia.kz saıtyna silteme jasap.
Áýezov aýdanynyń aýmaǵynda patrúldik polısıa qyzmetkerleri 32 jastaǵy Almaty turǵynynan psıhotroptyq zattar salynǵan segiz býmany tapty jáne tárkiledi. Ustalǵan adam býmalardy kezdeısoq tapqanyn jáne olardy ózine qaldyrýǵa sheshim qabyldaǵanyn aıtty.
Polısıa qyzmetkerleri 1995 jyly týǵan taǵy bir jergilikti turǵyndy 31 býma sıntetıkalyq esirtki – «mefedronmen» ustady. Jıyntyq kestege sáıkes, tárkilengen shóp asa iri kólemde jáne psıhotroptyq zat bolyp tabylady. Jigittiń aıtýy boıynsha, ol sıntetıkalyq esirtkini ózi qoldanady.
«Tekserý kezinde sıntetıkalyq esirtki tárkilendi. Qylmystyq ister QR QK-niń 296-baby 4-bóligi (Psıhotroptyq zattardy asa iri kólemde satý maqsatynsyz zańsyz alý, saqtaý) boıynsha tirkeldi, al, bul - úsh jyldan jeti jylǵa deıin bas bostandyǵynan aıyrý. Kúdiktilerge qatysty ustaý túrindegi bultartpaý sharasy qoldanyldy. Sıntetıkalyq áýesqoılardyń ekeýi de Almaty qalalyq PD ýaqytsha ustaý ızolátoryna qamaldy», – dep túsindirdi Áýezov aýdandyq polısıa basqarmasynyń bastyǵy Ulan Ábilqaıyr.