Olarǵa búgingi merekede memlekettik nagradalar tabystaldy.
Memleket basshysy Qasym-Jomart Toqaevtyń Jarlyǵymen Almaty qalalyq polısıa departamenti jergilikti polısıa qyzmeti basqarmasy patrúldik polısıa polkiniń aǵa ınspektorlary polısıa kapıtany Qýanysh Ábdikerim jáne polısıa aǵa leıtenanty Almasbek Tursyn Respýblıka kúni qarsańynda “Jaýyngerlik erligi úshin” medalimen marapattaldy, – dep habarlaıdy Almaty-akshamy.kz Polisia.kz-ke silteme jasap.
Patrúldik polıseılerge memlekettik nagradany Qazaqstan Respýblıkasynyń İshki ister mınıstri Erjan Sádenov tabystady. Esterińizge sala keteıik, qylmys bıyl 28 aqpan kúni Almatynyń Almaly aýdanynda jasalǵan bolatyn.
Patrúldik polısıa qyzmetkerlerine jedel basqarý ortalyǵynyń kezekshisinen Chevrolet kóligine adamnyń kúshtep otyrǵyzylǵany týraly habarlama kelip tústi. Búkil qala boıynsha “Perehvat” arnaıy jospary engizildi. Atalǵan kólik Gogol men Pýshkın kósheleriniń qıylysynda baıqaldy. İzinen erý nátıjesinde polıseıler kólikti Maqataev pen Jetisý kósheleriniń qıylysynda toqtatty.
Kólikte úsh adam boldy, olar ustaldy. Júksalǵyshtan taǵy bir er adam tabyldy, ol kóliktiń ıesi ekeni belgili boldy. Ustalǵandardyń aıtýynsha, Chevrolet kóliginiń ıesi olardy aldap, iri kólemde aqsha alǵan. Osylaısha olar qaryzdy qaıtaryp alýǵa tyrysqan. Al jábirlenýshiniń aıtýynsha, bári kerisinshe. Qutqarylǵan er adam tártip saqshylaryna alǵys bildirdi.