Almatyda jergilikti qazaq otbasy amerıkalyq ánshi, aktrısa Djennıfer Lopestiń bas gıtarısin úıine qonaq etip, ulttyq taǵamnan dám tattyrdy, - dep habarlaıdy Aqshamnews.kz.
Bota esimdi qala turǵynynyń aıtýynsha, oǵan inisi 15 mınýt buryn telefon shalyp, úıine qonaqpen kele jatqanyn aıtqan. Qonaqtyń kim ekenin suraǵanda, ol Djeı Lonyń bas gıtarısi ekenin jetkizgen.
"Jaǵdaı bylaı boldy. Djeı Lonyń komandasy bizdiń úıimizdiń mańyndaǵy otelde turaqtaǵan. Al inim sol mańaıda basketbol oınap júrgen. Djeı Lonyń gıtarısimen sol jerde tanysyp, ony qonaqqa shaqyrǵan. Ol kelisken. İnim bizge qońyraý shalyp, dastarhan jaıa berýdi eskertti. Úıde besbarmaq daıyndalyp jatqan edi. Ol ulttyq taǵamnan dám tatyp, úıdegi gıtarada oınap berip, jyly lebizin bildirip ketti", - dep jazdy Bota jelidegi paraqshasynda.
Bota qonaqqa dástúrge saı sarqyt ta salyp berip jibergen. Gıtarıstiń qarapaıymdylyǵy kóptiń kóńilinen shyǵyp, túrli pikirge ulasty.
Aıta keteıik, 10 tamyz kúni Almatyda Ortalyq stadıonda amerıkalyq juldyz Djeılonyń konserti ótti. Sharaǵa 20 myńnan astam kórermen jınaldy.