Almatyda kólik terezelerin syndyrǵan er adam ustaldy, dep habarlaıdy Almaty-akshamy.kz Polisia.kz silteme jasap.
Qaskóıdiń zańsyz áreketi “Qaýipsiz aýla” baǵdarlamasy boıynsha turǵyn úılerdiń kireberisiniń aldyna ornatylǵan beınebaqylaý kameralary arqyly jazylyp qalǵan.
– Bul derekter áleýmettik jeliler arqyly belgili boldy. Ol kezde polısıaǵa resmı ótinishter bolǵan joq. Soǵan qaramastan, bótenniń múlkin urlaý deregi QR QK-niń 188-baby boıynsha sotqa deıingi tergeýdiń biryńǵaı tizilimine tirkeldi. Jedel is-sharalar barysynda kólikteri dál osyndaı jolmen tonalǵan taǵy alty jábirlenýshi anyqtaldy. Kúdikti – 1996 jyly týǵan B.esimdi azamat ustaldy. Tergeýdiń osy kezeńinde ol tek eki urlyq jasaǵanyn moıyndady. Onyń bergen jaýaptarynyń qanshalyqty ras ekenin aldaǵy tergeýler kórsetedi, – deıdi Jetisý aýdandyq polısıa basqarmasynyń bastyǵy Darhan Musanov.
Baıandamashy kólikterdiń terezelerin syndyrý sebebin de aıtyp ótti. Onyń aıtýynsha, qaskóıdi tek kólikterge ornatylǵan beınetirkegishter ǵana qyzyqtyrǵan.