Almaty qalasynyń namysyn qorǵaǵan oqýshylar birneshe júldeli oryndarǵa ıe boldy.
23-25 aqpan kúnderi Almaty qalasynyń oqýshylary robototehnıka boıynsha eń iri jarystardyń biri «Central Asia FIRST Tech Championship» chempıonatyna qatysty, dep habarlaıdy Almaty-akshamy.kz
Astana qalasyndaǵy ál-Farabı atyndaǵy oqýshylar saraıynda ótken dodaǵa Qazaqstannyń ár óńirinen úsh myńnan astam oqýshy, álemniń túrli elderinen 200-den astam komanda qatysty.
Jarys qorytyndysy boıynsha №124 mekteptiń «Team 124» komandasy «Winning Alliance 2nd pick» jáne «THINK AWARD 2st place» nomınasıasyn jáne Londonda ótetin halyqaralyq «UK first championship 2024» jarysyna qatysýǵa joldama, al №206 mektep-gımnazıasynyń oqýshysy Ońǵarbek Tomırıs AQSH-tyń Húston qalasynda ótetin «2024 FIRST Championship, Houston» jarysyna qatysýǵa sertıfıkat jeńip aldy;
- Sondaı-aq «Qazaq Style» komandasy (№62, №119, №124, №200, №81, №202 mektep oqýshylary) «THINK AWARD 1st place» jáne «Best Pit Award» nomınasıalarynyń;
- №81 mektep-gımnazıasynyń «Redstone» qurama komandasy «CONNECT AWARD 3rd place» nomınasıasynyń;
- Bilim-ınnovasıa lıseıi men M.Bazarbaev atyndaǵy №138 gımnazıa oqýshylarynnan quralǵan «Sana team» komandasy «MOTIVATE AWARD WINNER» jáne «Best Mascot finalist», «Best Uniform Award finalist» nomınasıalarynyń;
- №178 lıseıiniń oqýshylarynnan quralǵan «ZOK Junoirs» komandasy «INNOVATE AWARD 3rd place» nomınasıasynyń;
- First Lego League baǵyty boıynsha M.Maqataev atyndaǵy №140 gımnazıasynyń «ULY DALA» qurama komandasy bedeldi «BREAKTHROUGH AWARD» nomınasıasynyń jeńimpazdary atandy.
Taǵy bir jaǵymdy jańalyq. Almaty mektepteriniń túlekteri elimizdiń bedeldi joǵary oqý oryndarynyń grant ıegerleri atandy:
- Sátbaev ýnıversıteti – BIL lıseıiniń oqýshysy Spandıar Tuıaqbaı jáne №39 mamandandyrylǵan lıseıiniń oqýshysy Malıkov Meıirjan,
- AÝES – M.Bazarbaev atyndaǵy №138 gımnazıa oqýshysy Amangeldi Sholpan, №81 mektep-gımnazıa oqýshysy Álrahat Úmithan, №140 M.Maqataev atyndaǵy gımnazıa oqýshysy Nurıla Berdaly men Móldir Bekenqyzy, №178 mamandandyrylǵan lıseıiniń oqýshysy Oljas Sanatuly.
Sonymen qatar Eýropalyq oqý oryndaryna túsýge 100% jeńildikpen qoldaý kórsetý granty №200 mektep-gımnazıasynyń oqýshysy Mıra Demeýǵalıeva men №178 mamandandyrylǵan lıseıiniń oqýshysy Alýa Tólendige berildi.