"Jasóspirim" respýblıkalyq jedel-profılaktıkalyq is-sharasy aıasynda Almaty qalasy Medeý aýdanyndaǵy mektep oqýshylary úshin polısıa departamentine tanymdyq ekskýrsıa uıymdastyryldy, dep habarlaıdy aqshamnews.kz.
Jas almatylyqtar polısıa murajaıyn aralap, İİO-nyń baı tarıhymen jáne ondaǵan jyl boıy qoǵamdyq tártip pen zańdylyqty qamtamasyz etýge qosqan úlesimen tanysty. Balalar ishki ister organdarynyń damýyna, qyzmetkerlerdiń erlikterine, sondaı-aq zamanaýı jetistikterge arnalǵan eksponattardy qyzyǵýshylyqpen tamashalady. Ekskýrsıanyń eń este qalatyn sátteriniń biri – jedel basqarý ortalyǵyna barǵan sát boldy. Munda "102" jelisi arqyly azamattardan túsken sıgnaldar táýlik boıy qabyldanyp, óńdeledi, patrúldik jáne tótenshe jaǵdaılar qyzmetiniń jumysy úılestirilip, beınebaqylaý arqyly qaladaǵy jaǵdaı baqylanady.
- Mundaı is-sharalar óskeleń urpaqtyń boıynda azamattyq jaýapkershilik sezimin, zańǵa degen qurmet pen polısıaǵa degen senimdi qalyptastyrýǵa baǵyttalǵan. Biz balalardyń óz quqyqtaryn bilip qana qoımaı, zańdy saqtaýdyń mańyzdylyǵyn túsindirýge tyrysamyz. Polısıany ishteı tanyp-bilý mektep oqýshylarynyń boıynda durys baǵyt-baǵdar qalyptastyrýǵa jáne olardyń quqyqtyq sanasyn nyǵaıtýǵa septigin tıgizedi, - dedi Medeý aýdandyq polısıa basqarmasynyń bastyǵy İlıas Ómirserikov.