Almatylyq oqýshylar halyqaralyq «San-Remo Best Song» baıqaýynda júldeli oryndarǵa ıe boldy
Almatylyq jas ónerpazdar Dýbaıda ótken halyqaralyq "San-Remo Best Song" mýzykalyq baıqaýynda úlken jetistikke jetip, júldeli oryndarǵa ıe boldy, dep habarlaıdy aqshamnews.kz Almaty.tv tilshisine silteme jasap.
Baıqaýdyń basty ereksheligi – qatysýshylardyń Parsy shyǵanaǵyn aralap, laıner ústinde óner kórsetýi. Osy biregeı formatta ótken jobaǵa 10-ǵa jýyq eldiń talantty jastary qatysty. Aıta keteıik, bul konkýrs osymen ekinshi ret uıymdastyrylsa da, Qazaqstan alǵash ret qatysyp otyr.
Tóreshilerdiń erekshe yqylasyna bólengen jas ónerpazymyz Mılana Abdýkaımova bıyl maýsym aıynda Italıada ótetin bedeldi "San Remo Djýnıor" baıqaýyna joldama aldy.
"Gran-prı alǵan júldegerlerdiń biri – meniń qyzym Mılana. Ol tek "San Remo Djýnıor" baıqaýyna ǵana emes, sonymen qatar Iýrmala jobasyna da joldama aldy. Bul onyń talanty men qajyrly eńbeginiń nátıjesi. Biz óte qýanyshtymyz jáne Mılanany jetelep, qoldaý bildirgen ustazdaryna alǵysymyz sheksiz", – deıdi Mılananyń anasy Sanan Mashaeva.
Bul jeńis almatylyq oqýshylardyń halyqaralyq deńgeıdegi shyǵarmashylyq qabiletin kórsetip, Qazaqstannyń ónerin jańa beleske kóterýge múmkindik beredi.