Nysana kózdeýden Qazaqstan komandasy Parıj Olımpıadasynyń qola júldegeri atandy, dep habarlaıdy Olympic.kz. 10 metrge nysana kózdeýden aralas komandalyq synda Islam Sátpaev pen Aleksandra Le qola medal jeńip aldy.
Kishi fınalda Qazaqstan komandasy Germanıa quramasynan 17:5 esebimen basym tústi. Bul jeńis mergender úshin uzaq úzilisten keıingi alǵashqy Olımpıada medali bolyp tabylady.
Qazaqstan komandasynyń bas bapkeri Olga Dovgýn.
Kerek derek
Aleksandra Le – 2004 jyly 3 mamyrda Almaty qalasynda dúnıege kelgen.
Qazaqstan Respýblıkasynyń nysana kózdeýden halyqaralyq dárejedegi sport sheberi. Alǵashqy jattyqtyrýshysy Arman Orazbaıuly Aısenov boldy. 2019 jyly ol Almaty qalasyna qonys aýdaryp, jattyqtyrýshysy Skıba Veronıka Vıktorovnamen oqýyn jalǵastyrdy.
Aleksandra Leniń sporttyq jetistikteri: 2024 jylǵy Azıa chempıony, kúmis jáne qola júldegeri, 2023 jylǵy álem chempıonatynyń jeńimpazy jáne kúmis júldegeri, 2023 jylǵy Azıa oıyndarynyń qola júldegeri.
Islam Sátpaev – 1998 jyly 21 qyrkúıekte Almaty qalasynda dúnıege kelgen.
Nysana kózdeýden Qazaqstan Respýblıkasynyń halyqaralyq sport sheberi.
2023 jyly Djakartada ótken álem chempıonatynyń kúmis júldegeri.
Alǵashqy jattyqtyrýshy – Derıglazova Valentına Vasılevna.
Islam Sátbaevtyń jetistikteri: 2021 jylǵy Azıa chempıony, 2022 jylǵy Azıa chempıonatynyń kúmis jáne qola júldegeri, 2022 jylǵy álem chempıonatynyń qola júldegeri, 2023 jylǵy álem chempıonatynyń kúmis jáne qola júldegeri, Qazaqstan Respýblıkasynyń birneshe dúrkin chempıony.