Almaty qalasynyń qorǵanys isteri jónindegi departamenti men Bostandyq aýdanynyń qorǵanys isteri jónindegi basqarmasynyń áskerı qyzmetshileri Uly Otan soǵysynyń ardageri Anatolıı Nazarovıch Popovty ǵasyrlyq mereıtoıymen quttyqtady, - dep habarlaıdy Aqshamnews.kz.
Áskerı vedomstvo ókilderi ardagerge Qorǵanys mınıstriniń quttyqtaý haty men estelik syılyqtar tabystady, - dep habarlaıdy Aqshamnews.kz.
Olar Anatolıı Nazarovıchke kórsetken erligi, qaısarlyǵy men áskerı boryshyna adaldyǵy úshin alǵys aıtyp, zor densaýlyq jáne uzaq ǵumyr tiledi. Ǵasyr jasaǵan qart maıdanger kórý, estý qabiletteriniń álsiregenine qaramastan, qonaqtardy jyly qabyldady. Ardagerdiń qyzy áskerılerge otbasynyń alǵysyn bildirdi.
– Ákemizge kórsetilgen qamqorlyq pen erekshe qurmet úshin áskerı qyzmetshilerge shyn júrekten alǵysymyzdy bildiremiz. Bul ákemiz úshin de, otbasymyz úshin de óte mańyzdy, – dedi Natalá Kosolapova.
Anatolıı Popov 1926 jylǵy 13 qańtarda Almaty oblysy Qaskeleń qalasynda dúnıege kelgen. Soǵys jyldarynda áskerı baılanysshy mamandyǵyn meńgerip, 2-shi Prıbaltıka maıdanynyń quramynda shaıqasqan. Rıga túbindegi urystarǵa qatysty.
Anatolıı Nazarovıch «Rıgany azat etkeni úshin», «1941-1945 jyldardaǵy Uly Otan soǵysynda Germanıany jeńgeni úshin» medaldarymen jáne basqa da mereıtoılyq nagradalarmen marapattalǵan. Soǵystan sol ol Saratov áskerı-medısınalyq ýchılıshesin bitirip, Germanıada áskerı qyzmetin jalǵastyrdy. Almatyǵa oralǵan soń zeınetkerlikke shyqqanǵa deıin sanıtarlyq-epıdemıologıalyq qyzmette feldsher bolyp eńbek etti. Ardagerdi ǵasyrlyq mereıtoımen quttyqtaý – onyń Jeńiske qosqan eleýli úlesi men beıbit ómirdegi qajyrly eńbegine bildirilgen zor qurmet.