1 qańtardan bastap míndettí áleumettík medıtsınalyq saqtandyru (MÁMS) paketí keńeıtíldí.
Endí bírqatar sozylmaly auru osy júıe ayasynda kórsetíletín medıtsınalyq qyzmetter qataryna engízíldí. Būl turaly Áleumettík medıtsınalyq saqtandyru qory málím ettí, - dep habarlaıdy Aqshamnews.kz.
Atap aıtqanda, MÁMS paketí qant dıabetí, balalardyń tserebraldy sal auruy, revmatızm, dáneker tínderíníń júıelí zaqymdanuy sıyaqty aurulardy qamtıdy.
Osylaısha, MÁMS áleumettík mańyzy bar 11 aurudan basqa sozylmaly dertterdíń basym bólígín óteıdí. Al atalǵan 11 auru tegín medıtsınalyq kómektíń kepíldík berílgen kólemí (TMKKK) ayasynda qarjylandyrylady. Olardyń qatarynda tuberkulez, AITV, qaterlí ísíkter, sozylmaly vırusty gepatıtter men bauyr tsırrozy, psıhıkalyq būzylystar, orfandyq aurular, júıke júıesíníń degeneratıvtí aurulary, ortalyq júıke júıesíníń demıelınızatsıyalyq syrqattary, epılepsıya, jedel mıokard ınfarktí (alǵashqy 6 aı), ınsult (1 jyl íshínde) bar.
Bíryńǵaı pakettíń keńeyuí áleumettík mańyzy bar aurulardy erte anyqtau kepíldíkterín kúsheıtuge múmkíndík beredí. Atap aıtqanda, onkologıyalyq skrınıngter saqtandyru mártebesíne qaramastan Qazaqstannyń barlyq azamatyna qoljetímdí bolady.
Qazír TMKKK ayasynda tek tuberkulez ben AITV-ınfektsıyasyn anyqtau qarastyrylǵan, al basqa áleumettík mańyzy bar aurulardy dıagnostıkalau MÁMS esebínen júrgízíledí.
Sonymen qatar saqtandyrylmaǵan azamattar da bazalyq medıtsınalyq qyzmetter paketín paıdalana alady. Oǵan mynalar kíredí:
• emhanalarǵa alǵashqy júgínu;
• vaktsınatsıya jáne onkologıyalyq skrınıngter;
• áleumettík mańyzy bar aurularǵa kúdík tuyndaǵan kezdegí dıagnostıka;
• jedel járdem qyzmetí;
• ómíríne qauíp tóndíretín jaǵdaılardaǵy shūǵyl medıtsınalyq kómek;
• barlyq áleumettík mańyzy bar auru boıynsha dıagnostıka, emdeu, aldyn alu jáne tegín dárí-dármekpen qamtamasyz etu;
• jūqpaly aurular kezínde medıtsınalyq kómek;
• qan preparattarymen qamtamasyz etu;
• pallıatıvtík kómek jáne auyr nauqastarǵa ūzaq merzímdí kútím.
Onkoskrınıngterdíń barshaǵa qoljetímdí boluy qaterlí ísíkterdí erte kezeńde anyqtap, tıímdí em júrgízuge múmkíndík beredí.
Barlyq saqtandyrylǵan azamat būrynǵydaı tegín em alyp, dáríger keńesíne júgíníp, qajettí dárí-dármektermen qamtamasyz etíledí. Qazírgí tańda 12 mıllıonnan astam adam jeńíldíktí sanatqa jatady, olardyń saqtandyru jarnasyn memleket tóleıdí.
Sonymen qatar 2026 jylǵy 1 qańtardan bastap ómírlík qıyn jaǵdaıǵa tap bolǵan shamamen 1 mıllıon azamat jergílíktí atqarushy organdar esebínen saqtandyrylady.
Azamattar «D» nemese «E» sanatyna jatatynyn bílu úshín tírkelgen emhanasyna júgínuí qajet.
Saqtandyrylǵan mártebe tegín taldaulardan ótuge, dıagnostıkaǵa, dáríger keńesíne, josparly operatsıyalarǵa, emdeluge jáne ońaltu sharalaryna qol jetkízuge múmkíndík beredí.
Óz mártebeńízdí tómendegí qūraldar arqyly tekseruge bolady:
• Telegram-daǵy SaqtandyryBot; (https://t.me/SaqtandyryBot);
• ÁMSQ resmı saıty (https://msqory.kz/ru/naseleniyu/uznat-status-kalkulyator-osms/uznat-status-zastrakhovannosti/);
• Qoldau 24/7 mobıldí qosymshasy;
• eGov.kz portaly nemese eGov mobile qosymshasy;
• keıbír ekínshí deńgeılí bankterdíń mobıldí qosymshalary.