Túngí saǵat 01:00. Almatydaǵy Alatau audanyn múlgígen tynyshtyq basqan. Nūrkent yqshamaudanynda ǵana bír jazu kózge ottaı basylady: "24/7". Esígí jabylmaıtyn, shamy óshpeıtín, tún ortasynda da adam ayaǵy úzílmeıtín oryn bar. Būl - Alatau kreatıv hab kítaphanasy. Qala ūıqyǵa ketkende, mūnda bíreuler emtıhanǵa daıyndalady, bíreuler jobasyn ayaqtaıdy, endí bíreuler kítap "kemíredí". Aqshamnews.kz tílshílerí tírshílígí toqtamaıtyn keńístíkten arnaıy fotoreportaj ázírlep qaıtty.
"Shamy múlde óshpeıtín" kítaphananyń tarıhy qandaı?
Alatau kreatıv hab kítaphanasy 2021 jyly ashylǵan. Bíraq onyń Almatydaǵy erekshe mártebesí keıín qalyptasty: 2023 jyldan bastap kítaphana táulík boıy, 24/7 rejımge kóshíp, "shamy múlde óshpeıtín" keńístíkke aınaldy.
Alatau kreatıv habtyń jetekshísí Sáule Babamūratova mūndaı ózgerístíń maqsatyn aıtty.
"Qala tūrǵyndaryna barynsha qolaıly jaǵdaı jasau, ásírese túnde jūmys ísteıtínderge, daıyndyqqa mūqtaj jastarǵa múmkíndík beru"
Mūnda kítap oqyp, jūmys ísteımín degenderge bar jaǵdaı jasalǵan: kítaphanaǵa kíru de, Wi-Fi da tegín.
Kíreberísten bízdí - kúzet pen syrt kıímdí qabyldaıtyn qyzmetkerler qarsy aldy. Tún auaǵan. Bíraq olardyń kózínde ūıqy joq, qımyly shıraq. Būl jerdíń tártíbí de, tynysy da úzílmeıtínín bírden ūqtyq.
Tírkeu ornynda qyzmetker bírneshe oqyrmanǵa qyzyq-qyzyq degen kítaptardy ūsynyp jatqanyn qūlaǵymyz shalyp qaldy. Onyń esímí - Raushan. Onyń aıtuynsha,
Kítaphana basshysy Sáule Jasūrqyzynyń aıtuynsha, búgínde kítaphanaǵa táulígíne 300–400 adam keledí. Al túnde ortasha eseppen 60–70 oqyrman bolady.
Alaıda qalada emtıhan, sessıya, ŪBT bastalsa, kítaphananyń da tynysy ózgeredí. Mūndaı kúnderí kelushíler sany táulígíne 500 adamǵa deıín artady, al túngí aǵyn 100-ge jetedí.
"Kóńíl syısa, bárí syyady. Bíraq 500 adam bír mezette kelmeıdí ǵoı, bíreu ketíp, bíreuí keledí. Báríne oryn tabuǵa tyrysamyz. Sondyqtan eshkím qysylmaıdy"
Túnde kítaphanada kóbíne "erteńge úlgeru" kerek degen adamdar otyrady. Mysaly, Máulen - arhıtektor. Ol kítaphanaǵa túste kelgen. Bíz onymen túngí 1-de sūhbattastyq. Ol mūnda kúnde keletínín, jūmys ísteuge óte yńǵaıly ekenín jasyrmaıdy.
"Kúndíz adam kóp bolyp ketkende keıde toq jetíspeı qalady. Áıtpese, bárí ūnaıdy. Bárí bar, bárí tegín", - deıdí ol.
Taǵy bír oqyrman - rejısser. Ol keshkí 8-den berí kítaphanada, sebebí kúndíz adam kóp, al keshke tynysh. Ol kítaphanaǵa jaqyn tūrady. Mūnda kóbíne shabyt aluǵa keledí.
Bír qyzyǵy, kítaphanaǵa jergílíktí tūrǵyndar ǵana emes, sheteldíkter de keledí. Kóbí - Úndístan azamattary, odan bólek europalyqtar da jıí bas sūǵady.
Sáule Babamūratova
Būl jer "ózínen-ózí" jūmys ístemeıdí: kítaphanada 21 qyzmetker eńbek etedí, al túngí auysymda 4 adam qalady.
"Túngí qyzmetkerler 2/2 jūmys kestesí boıynsha ísteıdí. Olardyń eńbekaqysy ekí eselenedí. Taǵy bír tártíp bar: túngí tórt qyzmetker aı saıyn auysyp otyrady, al túnde ístemegen kezde kúndízgí auysymǵa shyǵady", - deıdí ol Sáule hanym.
Kítaphananyń ekínshí qabaty - mūnda arnaıy dárís zaldary, abonement zaly, konferentsıya zaly bar - keshkí 20:00-den keıín jabylady.
Abonement zalyna baryp úlgermeı qalǵandarǵa da jaǵdaı jasalǵan. Būl jerde qala boıynsha 500 kítappen jabdyqtalǵan eń úlken apparat bar. Yaǵnı, qalaǵan kítaptykez kelgen adam eshkímníń kómegínsíz ala alady.
Kítaphanada túnde de barlyq kompyuter jūmys ístep tūrady. Ony tekseríp kórdík. Ár qūrylǵyǵa ınternet te qosylǵan.
Kítaphananyń taǵy qandaı erekshelíkterí bar?
Sáule Jasūrqyzynyń aıtuynsha, kítaphanaǵa kelushí qarıya men oqushylardyń úlesí áldeqaıda artqan. Olar kóbíne kítap jınaǵy kabınetínde otyrady. Ekínshí qabatta terrasa da bar: jazda samal jel esíp tūrǵan kezde kítap oquǵa taptyrmas oryn.
Al keshkí 8-ge deıín kofehana qyzmet kórsetedí. Būl jer "kítap qoımasy" emes, oqu men jūmysqa yńǵaılanǵan keńístík retínde oılastyrylǵan.
Kelesí kúní tańerteń atmosferany kóru úshín saǵat 10-da qaıta keldík. Íshí adamǵa toly. Ekínshí qabatta balalarymen kítap oqyp otyrǵan ana, abonementte kítap aqtaryp otyrǵan zeınetker áje - bárí óz álemínde otyr.
Kítaphananyń taǵy bír erekshelígí - mūnda balalardy kítap oquǵa yntalandyru jūmysy jaqsy júríp jatyr. Mysaly, kítap oqyp, mazmūnyn kítaphanashylarǵa aıtyp bergen balalarǵa PlayStation oınauǵa rūqsat beríledí. Būl - "oqu míndet" degen ūǵymdy "oqu - qyzyq" degen sezímge auystyratyn ádís.
Būdan bólek, mūnda tūrǵyndarǵa arnalǵan 20-dan asa úıírmeler ótedí. Mūnda tíl úırenu kurstary, robototehnıka, rejıssura, IT baǵytyndaǵy sabaqtar tegín ūsynylady.
Sáule Babamūratova kítaphanada túnde írí ís-sharalar kóp ótpeıtínín aıtty. Degenmen keshkí 8-de kınoklub jobasy ūıymdastyrylady: aldyn ala afısha jarıyalanyp, "Rejısser kursynyń" ayasynda kıno talqylanady nemese fılm kórsetíledí. Bolashaqta "Túngí kítaphana" formatyndaǵy sharalar ótkízuge de bolady degen jospar bar.
Aıta keteıík, jaqynda Prezıdent Qasym-Jomart Toqaev Turkistan gazetíne bergen kólemdí sūhbatynda qala ákímí Darhan Satybaldyǵa Almatyny Nyu-Iork, Máskeu, Parıj sıyaqty "eshqashan kóz ílmeıtín qalaǵa" aınaldyruǵa tapsyrma bergenín aıtqan edí.
Kóp adam mūny dámhana nemese oıyn-sauyqpen ǵana baılanystyruy múmkín. Bíraq ūıyqtamaıtyn qala - eń aldymen múmkíndík qalasy.