Almaty energetıka jáne elektrondy tehnologıalar kolejiniń stýdentteri oqý sheberhanasynda alǵashqy kún panelderin óndirýdi iske qosty.
Olar óz jobalaryn Jumysshy mamandyqtar qalasynda tanystyrdy, dep habarlaıdy aqshamnews.kz Oqý-aǵartý mınıstrligine silteme jasap.
«Biz kún panelderin tolyqtaı óz qolymyzben jasaımyz. Aldymen fotoelementterdi ózara jalǵap, arnaıy negizge dánekerleımiz. Keıin paneldi syrtqy áserlerden qorǵaý úshin lamınasıa jasaımyz jáne ony alúmını korpýsqa bekitemiz. Sońǵy kezeńde júıeni qosyp, onyń kún energıasyn elektr qýatyna qanshalyqty tıimdi aınaldyratynyn tekseremiz», — dep bólisti kolejdiń 3-kýrs stýdenti Mádı Janbolat.
Bul joba stýdentterge jańartylatyn energetıka salasyndaǵy zamanaýı tehnologıalardy ıgerýge kómektesip qana qoımaı, Qazaqstanda kún panelderiniń óz óndirisin damytý úshin perspektıvalar ashady. Budan basqa, kolejdiń joǵary kýrs stýdentteri jetekshi kompanıalarynda aqy tólenetin praktıkadan ótý múmkindigine ıe bolady.