Qazir atalǵan iske qatysty tergeý júrgizilip jatyr
Almatylyq kelinshek óziniń tiri ekenin dáleldeı almaı júr, dep habarlaıdy Almaty-akshamy.kz Almaty.tv-ge silteme jasap.
Óıtkeni, qaıtys bolǵan tanysy bir kezderi túsiniksiz sebeptermen birneshe márte qyzdyń aty-jónin qoldanǵan kórinedi.
«Áýelgi áńgime kómekshi bop kelgen marqumnyń qaryzǵa aqsha alýynan bastaldy»,– deıdi qala turǵyny.
Keıinnen ol Fıdan Abılovanyń málimetterin óz qujaty retinde paıdalanyp, aýrýhanaǵa jatqan.
«Munyń bárin byltyr 26 qyrkúıekte bildim. Meniń jeke kýáligimdi kóshirmeden ótkizip, bilgenin istepti. Ol qaıtys bolyp ketti ǵoı, al men áli de ózimniń tiri ekenimdi dáleldeı almaı qujat jınap júrmin», – dedi qala turǵyny Fıdan Abılova.
Fıdan Abılova jınalǵan qujattyń bárin prokýratýraǵa ótkizgenin aıtady. Keıinnen málim bolǵandaı, qaıtys bolǵan adam Abılovanyń aty-jónin 6 aıdaı qoldanǵan. Qazir atalǵan iske qatysty tergeý júrgizilip jatyr.
«Azamatshanyń prokýratýraǵa bergen aryzynyń negizinde aktilik jazbanyń kúshin joıý týraly talap engizildi. Nátıje boıynsha zardap shekken adamnyń buzylǵan quqyǵy qalpyna keltirildi», – dedi Túrksib aýdanynyń prokýrory Aıbek Bárpibaev.