Kózi ashyq, kókiregi oıaý azamattar eldi alǵa bastaıdy
AMANAT partıasy Almaty qalalyq fılıaly janyndaǵy «Jastar Rýhy» jastar qozǵalysy Prezıdent Joldaýyn talqylaý maqsatyndaǵy «Jastarǵa jan-jaqty qoldaý kórsetý» taqyrybyndaǵy «Qaisar» dıalog alańyn ótkizdi, dep habarlaıdy Almaty-akshamy.kz BAQ.KZ-ke silteme jasap.
«Qaisar» jastardy otansúıgishtikke baýlıtyn AMANAT partıasynyń bıyl iske qosylǵan áskerı-patrıottyq jobasy. Jobanyń maqsaty da el qorǵaıtyn, memleketimizge qyzmet etetin erjúrek azamattardy tárbıeleýge basym mańyz berý bolatyn. Osy turǵyda jastarmen birneshe kezdesýler ótken edi.
Búgingi kezdesý qonaqtary Qazaqstan Respýblıkasy Ulttyq Qaýipsizdik Komıtetiniń Shekara qyzmeti akademıasynyń maıory Ádiljan Ádilgereı, Almaty qalasy máslıhat depýtattary Bekbol Ramazan men Dına Erlan boldy. Dıalog alańynyń moderatory – «Jastar Rýhy» JQ Almaty qalalyq fılıalynyń tóraǵasy Akejan Keńesov.
Bul kezdesýdiń negizgi taqyryby - «Jastarǵa jan-jaqty qoldaý kórsetý» Prezıdent Joldaýyn talqylaý maqsatynda boldy. Taqyryp aıasynda Dına Erlan áleýmettik suraqtarǵa jaýap berip, jastarǵa tıimdi ári paıdaly tarmaqtardy atap ótti. Óz kezeginde Bekbol Ramazan jataqhanalardyń ashylýy, olardyń jaı-kúıi jóninde aıtty. Bekbol Ramazan jastarǵa ýaqytty tıimdi paıdalaný mańyzdy ekenin jetkizdi.
«Kózi ashyq, kókiregi oıaý azamattar eldi alǵa bastaıdy. Sondyqtan birneshe til bilip, túrli kásip ıgerý jastardyń, ıaǵnı bizdiń qolymyzdan keledi. Prezıdent atap ótkendeı, elimiz básekege qabiletti bolýy qajet. Ol úshin eń birinshi jastarymyz myqty maman bolyp, jaHandaný zamanynda básekege qabiletti bolyp shyńdalýy qajet», – dedi kezdesýdiń moderatory «Jastar Rýhy» JQ tóraǵasy Keńesov Ákejan.
Jalpy kezdesý sońy blıs suraq-jaýap túrinde ótip, jastar óz saýaldaryna jaýap alyp, oılaryn bólisti.