Almatylyq «Qaırat» pen kıprlik «Pafos» arasyndaǵy mach aldynda Ortalyq stadıonǵa alǵashqy jankúıerler kele bastady. Kórermender áli tolyq jınalyp úlgermese de, almatylyqtar óz áserlerin bólisip, mundaı halyqaralyq deńgeıdegi oıynnyń dál Almatyda ótýi - úlken maqtanysh ekenin aıtty, - dep habarlaıdy Aqshamnews.kz tilshisi.
Jankúıer Konstantınniń sózinshe, búgingi kezdesý tek sporttyq nátıje úshin emes, Almatynyń halyqaralyq mártebesin aıshyqtaýy turǵysynan da mańyzdy:
"Biz erekshe kezeńde ómir súrip jatyrmyz - Almaty halyqaralyq sport arenasyna aınaldy. Buryn mundaı machtardy kórý úshin Eýropaǵa barý kerek edi, al qazir Eýropanyń ózi bizge kelip otyr. Bul - qalamyz úshin úlken mártebe. Óz stadıonymyzda osyndaı sátke kýá bolý – úlken qýanysh", - deıdi ol.
Al taǵy bir jankúıer Asanáli bul kezdesýdiń tek sporttyq emes, rýhanı máni bar ekenin atap ótti:
"Bul jaı ǵana mach emes — Almatyǵa degen qurmettiń belgisi. Mundaı oıyndar bizdiń qalamyzdyń damyp kele jatqanyn, Eýropadan qonaqtar qabyldap, úlken fýtbol tarıhynyń bir bóligine aınalyp jatqanymyzdy kórsetedi. Biz "Qaıratqa“ senemiz jáne munyń bári dál osy ádemi qalada ótip jatqanyna qýanyshtymyz", - dedi ol.
Stadıon áli tola qoımaǵanymen, ár jankúıerdiń sózi men kóńil kúıinen qalasyna degen súıispenshilik pen «Qaıratqa» degen senim aıqyn seziledi.