Almatyda óz mamandyǵyna adal qyzmet etip, eńbegimen kózge túsken qyzmetkerler «Eńbek adamy – 2024» marapatymen marapattaldy. Bul is-sharany Almaty qalasynyń Qoǵamdyq damý basqarmasy uıymdastyrdy.
15 almatylyq azamat memleket pen megapolıstiń damýyna qosqan úlesi úshin «Eńbek adamy» syılyǵyna ıe boldy. Olardyń arasynda 30 jylǵa jýyq jýrnalısıkada, onyń ishinde 20 jyldan astam ýaqyt «Almaty aqshamy» gazetinde eńbek etip júrgen áriptesimiz Raıa Eskendir de bar.
İs-sharaǵa qatysqan Almaty qalasy Qoǵamdyq damý basqarmasynyń basshysy Aıdar Esenbekov marapat ıelerine óz lebizin bildirdi.
– Qyrkúıek aıynyń sońǵy jeksenbisi – elimizde Eńbek kúni retinde atap ótiledi. Osyǵan oraı, qalamyzdyń damýyna eleýli úles qosyp júrgen eńbekqor azamattardy marapattaýdy jón kórdik. Elimiz sizder sıaqty óz isine adal, eńbeksúıgish adamdardyń arqasynda alǵa basyp keledi. Memleket basshysy da bul máselege óz Joldaýynda erekshe nazar aýdardy jáne kelesi jyldy Jumysshy mamandyqtar jyly dep jarıalady. Sondyqtan eńbegimen tanylǵan azamattardy árdaıym qurmetteýimiz qajet, – dedi Aıdar Esenbekov.