№ 51 Almaty mektep-gımnazıasynyń «Ádilet» komandasy JasREPUBLIC CUP ulttyq pikirsaıys týrnırinde ekinshi orynǵa ıe boldy. Komanda quramyna Ajar Seıitova, Mádı Ǵylymhan jáne Anna Slepıcheva kirdi, dep habarlaıdy aqshamnews.kz
Týrnır Astanada ótip, Respýblıka kúnine oraılastyryldy.
Jarysqa óńirlik irikteý týrnırlerinde jeńiske jetken 40 fraksıa (komanda) quramynda elimizdiń úzdik 120 debaterlary qatysty.
Jas spıkerler ulttyq kompanıalardy jekeshelendirý, sot prosesterin tikeleı efırde kórsetý qajettiligi týraly, sondaı-aq buqaralyq sporttyń ornyna olımpıadalyq sport túrlerin damytýdyń basymdyǵy týraly talqylady jáne pikir talastyrdy.
Sonymen qatar, olar Qarýly Kúshterdiń jeke quramyn jańa jasaqtaý jáne qazaqstandyqtardy únemdeýge qalaı úıretý jóninde usynystar engizdi. Olar sondaı-aq ulttyq ıdeıanyń nusqalaryn usyndy.
Aıaqtalǵannan keıin barlyq qatysýshylar Parlament Májilisiniń ǵımaratyna baryp, joǵary zań shyǵarýshy organnyń jumysymen tanysyp, halyq qalaýlylaryna suraqtar qoıdy.