Almaty qalasynyń Ortalyq qalalyq klınıkalyq aýrýhanasynda kúrdeli endovaskýlárlyq ota — sol jaq buǵanaasty arterıasynyń saǵasyna stent qoıý (stentteý) sátti júrgizildi.
Otany qan tamyrlary hırýrgy Sultan Ilıev jasady. Naýqasta jıi bas aýrýy, bas aınalý, fızıkalyq júktemeden keıin esinen taný jáne qulaqtaǵy shý syndy Stıl sındromynyń belgileri baıqalǵan.
Mundaı belgiler mı men aıaq-qoldaǵy qan aınalymynyń buzylýyna baılanysty týyndaıdy.
Tekserý nátıjesinde buǵanaasty arterıasynyń saǵasynda aterosklerozdyq tarylý (stenoz) anyqtaldy. Qalypty qan aınalymyn qalpyna keltirý úshin stentteý jasalyp, qan tamyrynyń tarylǵan bóligi keńeıtilip, qan aınalymy qalpyna keltirildi.
Otadan keıin naýqastyń jaǵdaıy edáýir jaqsardy. Bas aınalý men esinen taný toqtap, densaýlyǵy túzeldi.
Mundaı joǵary tehnologıaly otalar Ortalyq qalalyq klınıkalyq aýrýhanada zamanaýı angıografıalyq jabdyqta júrgiziledi.
Bul ádis qan tamyr aýrýlaryn ashyq hırýrgıalyq otasyz tıimdi emdeýge, ońalý kezeńin qysqartýǵa jáne naýqastardyń ómir súrý sapasyn arttyrýǵa múmkindik beredi.