Almatylyq dárigerler 45 jastaǵy áıelden keńeıtilgen ınsýlttan keıingi gematomany alyp tastady.
Ortalyq qalalyq klınıkalyq aýrýhanaǵa essiz kúıde Almaty qalasynyń turǵyny 45 jasar áıel kelip tústi. Júrgizilgen kompúterlik tomografıanyń nátıjesinde áıelde úlken kólemdi mı ishi gematomasymen ınsýlt dıagnostıkalanǵan. Bólimshe meńgerýshisi Marat Almatov bastaǵan neırohırýrgtar komandasy pasıentke shuǵyl túrde operasıalyq aralasý - bas qańqasy trepasıasyn jasady, dep habarlaıdy Almaty-akshamy.kz.
Ortalyq qalalyq klınıkalyq aýrýhananyń baspasóz qyzmetiniń habarlaýynsha, operasıanyń barysynda hırýrg gematomany nemese uıyp qalǵan qandy tolyǵymen alyp tastaı aldy. Ota bir jarym saǵatqa deıin sozyldy.
«Eger de gematomany almaǵan jaǵdaıda, onda pasıenttiń boljamdy jaı-kúıi jaǵymsyz biter edi. Pasıenttiń mıyna qan ketip, onyń saldary tym qıyn bolar edi- ıaǵnı, múgedektikten ólim saldaryna deıin baratyn edi», - dedi neırohırýrg Marat Almatov.
Mamannyń aıtýynsha, pasıent bir kúnnen soń óz betimen qozǵalyp júre bastady.
«Pasıenttiń mundaıdan soń aıaǵyna tik turýy óte sırek kezdesetin jaı. Ádette, 90% naýqasta osyndaı operasıadan soń is-qımyl jáne sezý qabileti, máselen aıaǵy men qolynyń qıymyl men sezimtal bolýy buzylady. Biz operasıanyń sátti ótkenine qýanyshtymyz», - dedi dáriger.
