36 jastaǵy almatylyq kelinshek úshin bul kópten kútken júktilik. Júktilik kezindegi alǵashqy skrınıngte áıelde 5*10*4sm ólshemdi sol jaq analyq bez jylaýyǵy (kısta) anyqtaldy. Ókinishke qaraı ekinshi trımestrde ol óse tústi.
«Ekinshi skrınıng kezinde jylaýyq ólsheminiń 5,3*11,05*4,0sm-ge deıin ósýi alańdaýshylyq týǵyzyp, jylaýyqtyń isiktik sıpatyn joıý úshin onkogınekologtyń keńesi qajet boldy. Túzilimniń ósýine jáne júktilikke yqtımal qaýipke baılanysty naýqas hırýrgıalyq emdeý úshin portal arqyly №8 qalalyq klınıkalyq aýrýhanaǵa jiberildi. Munda sol jaq analyq bezge sıstektomıa jasaý maqsatynda laparoskopıalyq aralasý jasaldy. Ota sátti ótip, naýqas gınekologtyń baqylaýynda bolý usynysymen aman-esen úıge shyǵaryldy», - deıdi Almaty №8 qalalyq klınıkalyq aýrýhanasynyń gınekologıa bólimshesiniń meńgerýshisi Dmıtrıı Saı.
Otadan keıin dárigerler konsılıýmy ana men uryqtyń qaýipsizdigin qamtamasyz etý úshin júktilikti dárigerlerdiń jiti baqylaýynda jalǵastyrý týraly sheshim qabyldady.