Úsh mınýt ishinde almatylyq rentgenhırýrgter naýqasta mıokard ınfarktisiniń aldyn aldy
Almatylyq rentgenhırýrgter áıeldi mıokard ınfarktisinen qutqardy, onyń saldaryn boljaý múmkin emes kórinedi, dep habarlaıdy Almaty-akshamy.kz.
11 qyrkúıekte shuǵyl túrde Almaty kardıologıalyq ortalyǵyna júrek aýrýy bar áıel jetkizilgen. Dıagnostıkalyq tekserý dereý júrgizilgen. Naýqastyń ózi aıtqandaı, 7 qyrkúıekten bastap ol júreginde aýyrsyný sezingen. Biraq ol oǵan mán bermegen. Tek 11 qyrkúıekte ǵana jedel járdem shaqyrǵan. Óıtkeni, janyna batqan aýyrýǵa shydaý múmkin bolmaǵan.
«Naýqastyń troponınge qan skrınıngi oń nátıje berdi — 0,99 ng/ml, ádette ol 0,04% bolýy kerek. Bul shamamen 20 ese kóp bolyp tabylady. Mıokard ınfarktisiniń bolýyn kórsetetin qandaǵy osy troponınniń joǵarylaýy. Sonymen qatar, koronarografıa júrgizildi, onda júrektiń barlyq úsh tamyrynyń zaqymdanýy anyqtaldy, olardyń bireýi 99%-ǵa bitelip qalǵan. Eger taǵy biraz ýaqyt ótse, ol 100%-ǵa jetip, mıokard ınfarktisine ákeletin edi. Biz stentteý jumystaryn júrgizdik. Bul shaǵyn ınvazıvti hırýrgıa, keýde qýysy kesilmeıdi. Úsh mınýttyń ishinde biz qanǵa tola bastaǵan arterıany ashtyq», — deıdi rentgenhırýrgıa bólimshesiniń meńgerýshisi Orazbek Sahov.
Onyń aıtýynsha, adamnyń júreginde úsh qan tamyry bar, naýqasta sonyń úsheýi de — bireýi 99%-ǵa, ekinshisi 80%-ǵa jáne úshinshisi 50%-ǵa zaqymdalǵan boldy. Orazbek Sahov atap ótkendeı, qalǵan eki qan tamyrǵa birtindep ota jasaý kerek, barlyq qan tamyrdy bir ýaqytta ashý múmkin emes. Óıtkeni mundaı otany naýqas kótere almaı qalýy da múmkin.
«Biz qazir ınfarktpen baılanysty arterıany ashyp, qan aǵymyn qalpyna keltirdik, osy kezeńde otany toqtatqan jón, óıtkeni eger biz basqa arterıalardy ashýǵa tyryssaq, onda mıokard ınfarktisiniń jańa aımaǵynda asqyný paıda bolýy múmkin. Tek 2-3 aıdan keıin basqa júrek-qan tamyrlaryna ota jasaýǵa bolady. Qazir naýqas ózin jaqsy sezinedi. Birinshi operasıa sátti ótti», — dep túıindedi dáriger.