56 jastaǵy naýqas áıel ortalyq klınıkalyq aýrýhanaǵa aýyr jaǵdaıda kelip túsken.
Almatyda dárigerler áıelden salmaǵy 10 keliden asatyn alyp isikti alyp tastady, dep habarlaıdy Almaty-akshamy.kz.
Jatyr isigi júktiliktiń 40-aptasyna sáıkes keldi. İsiktiń kólemi ulǵaıǵany sonshalyqty, naýqastyń tynys alýy qıyndaǵan. İsiktiń salmaǵy 10 keliden joǵary. Sonymen qatar, áıel tahıkardıa, qant dıabeti, qan qysymynyń tómendigi jáne basqa da sozylmaly aýrýlardan zardap shegip kelgen.
Dárigerler aqyldasa kelip, ota jasaý týraly sheshim qabyldandy.
"Bul ota jatyr moıynyn alyp tastaý úshin jasaldy. Barlyq isiktiń qaldyqtary alynyp tastaldy. Ota eki saǵatqa sozyldy jáne sátti ótti. Qazir naýqas ózin jaqsy sezinedi, jaǵdaıy turaqty. Jaqyn arada shyǵaratyn bolamyz", - deıdi gınekolog dáriger Alısa Baınazarova.
Naýqas qazir ortalyq qalalyq klınıkalyq aýrýhananyń gınekologıa bóliminde em qabyldap jatyr.
"20 jyl buryn isik paıda boldy, basynda kishkentaı boldy, keıin bul túıirshik óse bastady. Men júregimdi teksertýge barsam, olar maǵan jatyrdy tekserý kerektigin aıtqan bolatyn. Biraq ol kezde men mán bermedim. 2021 jyly men koronavırýs ınfeksıasymen aýrýhanaǵa tústim. Dárigerler meni tolyq tekseristen ótkizip, ÝDZ-ge túsirdi. Olar shyǵarylǵannan keıin mamandarǵa habarlasý keregin eskertken. Biraq men mán bermedim. Jyldar jyljyp, ádettegideı úı sharýasymen ýaqyt óte berdi", - deıdi áıel.
Gınekolog Alısa Baınazarovanyń sózinshe, qazirgi ýaqytta jatyr isigi keń taraǵan dertke aınalǵan. Dáriger áıel adamdar aýyr dertke shaldyqpas úshin gınekolog mamandaryna jıi kórinip turýy keregin aıtady.