Bronhıt - alveolanyń paıda bolýyna ákeletin bronhtardyń shyryshty qabyǵynyń dem alý «tútikteriniń» qabynýy, dep habarlaıdy Almaty-akshamy.kz QDB baspasóz-qyzmetine silteme jasap.
«Jiti bronhıt ókpeni zaqymdaıtyn, bezgek aýrýynyń týyndaýyna, qurǵaq jótel, jalpy, álsizdikke ákeletin ınfeksıalyq-qabyný prosesiniń bronhopnevmonıa túrindegi asqynýǵa ákeledi», - deıdi Almaty qalasy №36 qalalyq emhananyń jalpy tájirıbe dárigeri Ánel Ákimbaeva.
- Sozylmaly bronhıttiń baqylaýsyz órshýi turaqty jiti pnevmonıanyń týyndaýyna aparyp, ýaqyt ótken saıyn ókpeniń obstrýktıvti aýrýyna ákeledi, - deıdi dáriger.
Sonymen qatar, dem alý tútikteriniń shyryshty qabyǵy isinip arnalary tarylady, ókpe tinderi jıilep buzyla bastaıdy.
Ánel Ákimbaeva atap ótkendeı, ýaqytynda emdelmegen obstrýktıvti bronhıt kóp jaǵdaıda keńirdektiń qabyný prosesine ushyrap, sonyń saldarynan traheıt túrindegi asqynýdy týdyrady.
Jiti bronhıt, ortasha eseppen 7-10 kúnge sozylady. Aǵymdy ótý ereksheligine qaramastan, jiti bronhıt 21 kúnniń aralyǵynda ótedi, basqa jaǵdaılarda ol sozylmaly túrge aınalady.
Qarapaıymdylyǵyna jáne aýrý aǵymynyń jeńil ótýine qaramastan, jiti bronhıtti mindetti túrde dáriger emdeýi tıis.