Almatyda 60 jastan asqan 108 myńnan astam azamat koronavırýsqa qarsy vaksına aldy. Almaty qalasyndaǵy joǵary sanatty dáriger, qoǵamdyq densaýlyq saqtaý magıstri Natalá Rahalskaıa egde jastaǵy adamdardyń ımýnıteti jastarǵa qaraǵanda álsiz ekenin ári aýrýdyń qıyn ótetinin, sondyqtan ekpe alýdyń saqtyq shara ekenin aıtty, dep habarlaıdy almaty-akshamy.kz
«Qart adamdar, biz kórip otyrǵandaı, dertke tez shaldyǵady ári ol asqynyp ketse, qaıǵyly jaǵdaı da bolýy múmkin. Sondyqtan osy sanattaǵylardyń birinshi kezekte ekpe alǵandary jón. Men dáriger retindegi klınıkalyq tájirıbemnen baıqaǵanym, egde jastaǵylar vaksınalardy jaqsy qabyldaıdy», - dedi Natalá Rahalskaıa.
Dáriger egde jasta KVI-ge qarsy vaksına alý (sonymen qatar tumaýǵa qarsy) óte mańyzdy jáne bul qaýipti ınfeksıany juqtyrmaıtynyn ári qaýiptiń aldyn alatynyn aıtty.
Sonymen qatar, ekpe mazasyzdyqtan aryltady, kóńil-kúıdi tynyshtandyrady. Vaksına alǵan qart adamdar psıhologıalyq turǵydan óziniń qorǵalǵanyn sezinedi.