Almatylyq azamattyń aýyl mańyndaǵy ózine tıesili jer ýchaskesinen 3 tonnaǵa jýyq kannabıs ósimdigi tárkilendi.
Jedel-izdestirý is-sharalaryn júrgizý barysynda PD EQQİQB qyzmetkerleri Eńbekshiqazaq aýdany PB qyzmetkerlerimen birlesip, Túrgen aýylynyń mańynda ornalasqan ózine tıesili jer ýchaskesinde tyıym salynǵan ósimdikterdi ósirýmen aınalysatyn er adamǵa qatysty aqparat aldy, dep habarlaıdy Almaty-akshamy.kz Polisia.kz-ke silteme jasap.
«Atalǵan derek QR QK-niń 300-baby boıynsha Eńbekshiqazaq aýdanynyń PB-da tirkeldi. Jedel-izdestirý is-sharasy barysynda polısıa qyzmetkerleri Almaty qalasynyń M. esimdi 44 jastaǵy turǵynyn anyqtap, ustady. Joǵaryda atalǵan jer ýchaskesin tintý kezinde jalpy salmaǵy 3 tonnaǵa jýyq 742 túp kannabıs ósimdigi tabylyp, tárkilendi», – dedi Almaty oblysy PD bastyǵy Baýyrjan Álenov.
Qazirgi ýaqytta qajetti saraptamalyq tekserýler taǵaıyndaýmen sotqa deıingi tergeý bastaldy. Ustalǵan adam aýdandyq ýaqytsha ustaý ızolátoryna qamaqqa alyndy.