2023-2024 jyldary 75 úzdik jetekshi men ádisker Sıngapýr, Ulybrıtanıa, Qytaı, Malaızıa, Polsha jáne Germanıanyń aldyńǵy qatarly bilim berý mekemelerinde taǵylymdamadan ótti, dep habarlaıdy aqshamnews.kz
Bul múmkindik qala ákimi Erbolat Dosaevtyń tapsyrmasymen qolǵa alynǵan «Almaty qalasyn damytý baǵdarlamasy men 2030 jylǵa deıingi orta merzimdi perspektıvadaǵy» Jol kartasy aıasynda qalalyq mektepke deıingi uıymdar mamandarynyń biliktilikti arttyrý baǵdarlamasy arqyly usynylǵan.
Taǵylymdama barysynda qatysýshylar shetelderdiń mektepke deıingi bilim berý erekshelikterimen tanysyp, balalardy oqytý men tárbıeleýdiń zamanaýı jáne dástúrli ádisterin, tehnologıalaryn, sondaı-aq maman daıarlaý jáne mektepke deıingi bilim sapasyn arttyrý máselelerin zerttedi.
Biliktilikti arttyrý kýrstarynyń baǵdarlamasy otandyq qana emes, sonymen qatar sheteldik mektepke deıingi bilim berý salasynyń sarapshylaryn da tartýdy kózdedi.
Aıta keteıik, mektepke deıingi uıym mamandarynyń biliktiligin arttyrý jobasy 2023 jyly Almaty ákimi Erbolat Dosaevtyń tapsyrmasymen bastalyp, byltyr2 745 balabaqsha pedagogin qamtydy. Baǵdarlama pedagogterdiń kásibı daǵdysyn damytý arqyly bilim berý júıesin jańǵyrtýǵa baǵyttalǵan. Bul qalanyń mektepke deıingi bilim sapasyn arttyryp, balalardyń jan-jaqty damýy úshin qolaıly jaǵdaı jasaýǵa múmkindik beredi.