Almaty ákiminiń orynbasary Muhıt Ázirbaev Óńirlik komýnıkasıalar qyzmetiniń baspasóz konferensıasynda qalaǵa qosylǵan aýmaqtardy ınfraqurylymdyq damytý boıynsha jumystar týraly aıtyp berdi dep habarlaıdy almaty-akshamy.kz
Qarasaı, Talǵar jáne İle aýdandary ýchaskeleriniń megapolıske qosylýyna baılanysty qala bıligi halyqty taza aýyz sýmen qamtamasyz etýge erekshe kóńil bólýde.
Ákim orynbasarynyń aıtýynsha, aǵymdaǵy 2021 jyly sýmen jabdyqtaý jáne sý burý jelileriniń qurylysy boıynsha jumystar 24 shaǵyn aýdandy qamtydy. 10 aıda 120 km sýmen jabdyqtaý jáne 77 km káriz jelisi júrgizildi. 14 shaǵyn aýdanda aǵymdaǵy jyly jelilerdiń qurylysyn aıaqtaý josparlanýda, bul 23 myńnan astam úıdi qalalyq jelilerge qosýǵa múmkindik beredi.
Almaty bıligi sapaly elektrmen jabdyqtaý máselesin de nazardan tys qaldyrmady.
Máselen, «Tuzdybastaý» qosalqy stansıasyn salý esebinen Túrksib aýdanynyń 200 myńnan astam turǵyny 2022 jyly turaqty elektrmen jabdyqtaýǵa qol jetkizedi.
Sondaı-aq, Jetisý aýdanynda jańa qosalqy stansıa qurylysyn bastaý josparlanýda.
Ákimniń orynbasary turaqty elektrmen jabdyqtaý boıynsha jumystar ıesiz jeliler boıynsha da júrgizilip jatqanyn atap ótti. Aǵymdaǵy jyly 91,8 km elektr jelileri ıesiz dep tanylyp, «Alataý Jaryq Kompanıasy»AQ-ǵa qyzmet kórsetý úshin berildi. Qazirgi ýaqytta 83,5 km ıesiz jeliler Energotıimdilik jáne ınfraqurylymdyq damý basqarmasyna bekitilip, keıinnen «Alataý Jaryq Kompanıasy»AQ-ǵa beriletin bolady.
«Shetsiz qala» tujyrymdamasyn iske asyrý kezinde syrtqy jaryqtandyrýǵa erekshe kóńil bólinedi. Qala ákimi Baqytjan Saǵyntaevtyń sońǵy 2 jyldaǵy bastamasynyń arqasynda megapolıstiń 1 963 kóshesi kóshe shamdarymen qamtamasyz etildi.
Ákim orynbasarynyń aıtýynsha, búgingi tańda megapolıs turǵyndarynyń 99,2%-i tabıǵı gazǵa qol jetkizip otyr. 2022 jyly úılerdiń 100%-i gazben qamtamasyz etiledi.