Bul qyzmetke Erbolat Dosaev keldi.
Erbolat Dosaev Almaty qalasynyń ákimi qyzmetine taǵaıyndaldy, dep habarlaıdy Almaty-akshamy.kz Aqordaǵa silteme jasap.
Memleket basshysynyń jarlyǵymen Baqytjan Ábdiruly Saǵyntaev qyzmetinen bosatyldy. Ol Almaty ákimi laýazymyna 2019 jyly taǵaıyndalǵan bolatyn.
Erbolat Asqarbekuly Dosaev 1970 jyly 21 mamyrda Almaty qalasynda týǵan.
1987 jyly Almaty qalasynyń O.Jáýtikov atyndaǵy respýblıkalyq fızıka-matematıkalyq mektep-ınternatyn bitirdi. Almaty energetıkalyq ınstıtýtyn, Baýman atyndaǵy Máskeý memlekettik tehnıkalyq ýnıversıtetin bitirdi.
1997 jyly «Turan Álem Banki» JAQ basqarma tóraǵasynyń orynbasary, «ATF Bank» JAQ basqarma tóraǵasy laýazymyn atqarǵan;
1998 j. - Qazaqstan Respýblıkasy Premer-Mınıstri keńesshisi;
1998 j. - Qazaqstan Respýblıkasy Energetıka, ındýstrıa jáne saýda vıse-mınıstri;
2000 j. - Qazaqstan Respýblıkasy Qarjy vıse-mınıstri;
2001 j. - Qazaqstan Damý banki Dırektorlar Keńesiniń Tóraǵasy;
2001-2003 jj. - Qazaqstan Respýblıkasy Tabıǵı monopolıalar, básekelestikti qorǵaý jáne shaǵyn bıznesti qoldaý agenttiginiń Tóraǵasy;
2003 - 2004 jj. - Qazaqstan Respýblıkasynyń Qarjy mınıstri;
Qazaqstandaǵy Eýropalyq qaıta qurý jáne damý bankiniń basqarýshysy;
Qazaqstan Respýblıkasy Ulttyq Bankiniń Basqarma múshesi;
2004 - 2006 jj. - Qazaqstan Respýblıkasynyń Densaýlyq saqtaý mınıstri;
2006 - 2012 jj. «Qazınvestbank» AQ Dırektorlar Keńesiniń Tóraǵasy;
2012 jylǵy 25 qyrkúıekten Qazaqstan Respýblıkasynyń Ekonomıkalyq damý jáne saýda mınıstri.
2013 jylǵy 16 qańtardan Qazaqstan Respýblıkasynyń Ekonomıka jáne búdjettik josparlaý mınıstri.
2014 jylǵy 6 tamyzda Qazaqstan Respýblıkasynyń Prezıdentiniń Jarlyǵymen (№ 880) Qazaqstan Respýblıkasynyń Ulttyq ekonomıka mınıstri bolyp taǵaıyndaldy.
2015 jylǵy 30 sáýirde Qazaqstan Respýblıkasynyń Prezıdentiniń Jarlyǵymen (№ 5) Qazaqstan Respýblıkasynyń Ulttyq ekonomıka mınıstri bolyp qaıta taǵaıyndaldy.
2016-2017 jyldary - «Báıterek» ulttyq holdıńiniń basshysy. 2017-2019 jj. vıse-premer qyzmetin atqaryp keldi.
2019 jyldyń aqpanynan búginge deıin Ulttyq bank tóraǵasy qyzmetin atqaryp keldi.