Áýe kompanıasynyń baspasóz qyzmeti jolaýshy áýege kóterilgennen keıin esin joǵaltqanyn aıtty.
FlyArystan áýe kompanıasynyń Qostanaıdan Almatyǵa bet alǵan ushaǵynda er adam qaza tapty, dep habarlaıdy Almaty-akshamy.kz
"Stúardessalar birden jolaýshynyń tamyr soǵysy men tynys alýyn tekserdi, biraq ómir belgilerin tappady. Nusqaýlarǵa sáıkes, ekıpaj alǵashqy medısınalyq kómek kórsetip, borttaǵy dárigerdi izdeýge kiristi", dedi FlyArystan áýe kompanıasynyń baspasóz qyzmeti.
Sodan keıin stúardessalar dárigermen birge defıbrıllátor arqyly júrek-ókpe reanımasıasyn jasady.
Komandırdiń sheshimimen ushaq Astana áýejaıyna shuǵyl qondy.
"Áýe kompanıasynyń bortserikteri áýejaıǵa kelgenshe júrek-ókpe reanımasıasyn jalǵastyrdy. Ókinishke oraı, Astana áýejaıynyń dárigeri jolaýshynyń qaıtys bolǵanyn rastady. Áýe kompanıasy jolaýshynyń týystary men jaqyndaryna qaıǵylaryna ortaqtasyp kóńil aıtady", delingen FlyArystan áýe kompanıasynyń baspasóz qyzmeti taratqan aqparatta.