Uıymdastyrýshylar baıqaýdyń josparlarymen bólispek.
20 jylǵa jýyq úzilisten soń Almatyda Ortalyq Azıanyń eń bedeldi mýzykalyq festıválderiniń biri qaıta ótkizilmek, dep habarlaıdy Almaty-akshamy.kz inbusiness.kz cilteme jasap.
Festıvál baspasóz qyzmetiniń habarlaýynsha, festıváldiń negizin qalaýshy Murat Irǵalıevtiń 2020 jyly jáne rejıser Aleksandr Ponomarevtyń 2021 dúnıeden ótkenine baılanysty "Azıa Daýysyn" ótkizý quqyǵy Almaty qalasy ákimdigimen jáne Almaty qalasynyń mádenıet basqarmasymen birge mýzykalyq sharanyń birge qaıta jandanýyna bastamashylyq jasaǵan "Azıa daýysy" halyqaralyq festıvali" qoǵamdyq qorynyń quzyrlyǵyna ótti.
Qazaqstannyń mádenıetin damytýǵa qosqan úlesin eske alý úshin "Jas qanat" respýblıkalyq baıqaýy aıasynda Murat Irǵalıev pen Aleksandr Ponomarev atyndaǵy Gran-prı dıplomyn, "Úlken Qanat" arnaıy nomınasıasyn jáne 1 000 000 teńge aqshalaı syılyq taǵaıyndaldy.
Eske sala keteıik, "Azıa Daýysy" Halyqaralyq mýzykalyq festıvali alǵash ret 1990 jyly ótti, sol kezde "Medeý" muz aıdynyna 15 elden qatysýshylar kelgen bolatyn. 1994 jyly festıvál Kann álemdik shoý-bıznes festıvaliniń (Fransıa) arnaıy syılyǵyn aldy, al 1998 jyly "Azıa Daýysy" halyqaralyq festıvál uıymdastyrýshylar federasıasy álemniń úzdik festıvali ataǵyn alǵan bolatyn.
21 jeltoqsanda baspasóz konferensıasynda uıymdastyrýshylar aldaǵy "Azıa Daýysy" halyqaralyq festıvali men "Jas qanat" respýblıkalyq konkýrsynyń josparlarymen bólispek. Festıváldiń bas prodúseri - Armanjan Baıtasov.