6637 áskerı bóliminiń áskerı qyzmetkeri Ersin Jantórın Almaty-Petropavl poıyzynda jolaýshyny zorlyqtan aman alyp qaldy, dep habarlaıdy Almaty-akshamy.kz.
QR Ulttyq ulany Ersin Jantórın 10 aqpanda jolaýshylar poıyzymen kezekti issaparynan qaıtyp kele jatyp, saǵat 18:00-de bir qyzdyń jylaǵan daýysyn, "Kómektesińder" dep aıqaılaǵanyn estigen.
"Ol aıqaı shyqqan kýpege baryp, bireýdiń esikti kenet jaýyp jatqanyn baıqaǵan. Esikti kúshpen ashyp qarasa, buryshta qorqyp otyrǵan qyzdy, al onyń qarsysynda qorlyq kórsetpek bolǵan er adamdy kórdi. Polısıa qyzmetkeri er adamdy ustap, qabyrǵaǵa taqady. Tártip saqshysy Saryshaǵan stansasynda bul azamatty polısıaǵa tapsyrdy", - delingen habarlamada.
Qyzdyń aıtýynsha, onymen bir kýpede bolǵan er adam oǵan tanys emes.
"Oqıǵa keshke boldy. Asqanada keshki as iship bolǵan soń, kýpege qaıtyp bara jattym. Sol kezde jas qyzdyń kómekke shaqyrǵan aıǵaıyn estidim. Kýpege kirip, bir er adamnyń qyzdyń abyroıyn túsirmekshi bolǵanyn baıqadym jáne ony birden ustap aldym", - deıdi Ersin Jantórın.
QR Ulttyq ulany Qaraǵandy oblysynyń 36 jastaǵy týmasyna qatysty qylmystyq is qozǵalǵanyn habarlady.