Balalar eresekterge qaraǵanda ınfeksıany jeńil ótkizedi.
Almaty oblysynda koronavırýspen aýyrǵan 810 bala ambýlatorıada emdelip júr, dep habarlaıdy Almaty-akshamy.kz QazAqparat-qa silteme jasap.
Olardyń 48-i bir jasqa tolmaǵan, 243-i 1-5 jasta, 351-i 5 pen 14 jas aralyǵyndaǵy, 168-i 14-17 jastaǵy jasóspirim.
«Balalardaǵy aýrýdyń belgileri, bas aýrýy, JRVI, tábettiń joǵalýy, ishtiń aýyrýy bolýy múmkin. Biraq, balalar eresekterge qaraǵanda ınfeksıany jeńil ótkizedi. Iaǵnı, aýrýdy kótere alady. Olardan eresekter sıaqty ókpeniń zaqymdanýy baıqalmady. SOVID-19 balalarda eń aldymen joǵarǵy tynys joldaryna áser etedi (muryn, aýyz, jutqynshaq). Sondyqtan olar sýyq tıý sıaqty belgileri baıqalady», - dedi Almaty oblysy densaýlyq saqtaý basqarmasy basshysynyń bosandyrý jáne balalar boıynsha orynbasary Leıla Serikbaeva.
Aıta keteıik, qazirgi karantın talaptaryna sáıkes, synypta bolmasa topta COVID-19 aýrýynyń 1 jaǵdaıy tirkelgen kezde synyp nemese top 14 kún boıy úı karantınine oqshaýlaýǵa jiberiledi. Sondaı-aq, bir aýysymnyń 30%-dan astam synyptarynda COVID-19 aýrýynyń jaǵdaılary 1 ınkýbasıalyq kezeńde orta bilim berý uıymynda tirkelgen kezde - aýysym 14 kún boıy úı karantınine oqshaýlanady.