Qutqarýshylar Oıyl aýdanynyń Qaratal aýylynda turǵyndardy qaýipsiz jerge kóshirýmen aınalysty.
Júzdegen adamdy mektep ǵımaratyna evakýasıalasa, 120 turǵyndy aýyl shetine qonǵan tikushaqqa jetkizýge kómektesti, dep habarlaıdy Almaty-akshamy.kz 24.kz-ke silteme jasap.
Qajetti qural-saımanymen kelgen 20 qutqarýshyǵa oblys basshylyǵy atqarǵan qyzmeti úshin alǵysyn jetkizdi. Bul jasaq endi kórshiles Batys Qazaqstan óńirindegi sý tasqynyna qarsy is-sharalarǵa qatysady. Aıta keteıik, buǵan deıin mańǵystaýlyq qutqarýshylar da Aqtóbe oblysyna kómekke kelgen edi.
«Qaratal aýylynda bizdiń jasaqpen 126 adam shyǵaryldy. Sonyń 36-sy balalar boldy. Olardy motorly qaıyqpen qaýipsiz aımaqqa ákep tikushaqtarǵa otyrǵyzdy. Oıyl aýylyna jetkizildi. Jumystyń barysynda qıyndaý bolǵany, aǵysy qatty sýdyń kelip jatqany. Biraq oǵan qaramastan qoıylǵan jumys atqaryldy», - deıdi Respýblıkalyq jedel qutqarý jasaǵynyń bas qutqarýshysy Ádilhan Baltabaı.