Almatylyqtar sý tasqynynan zardap shekken Atyraý oblysynyń turǵyndaryna 30 tonnadan astap gýmanıtarlyq kómek jınady. Onyń ishinde 12 tonna azyq-túlik, 10 tonnaǵa jýyq kıim, 7,2 tonna gıgıenalyq zattar, 2 tonnadan astam turmystaq zattar, 200 kılogrammnan astam dári-dármek jáne t.b. zattar bar, dep habarlaıdy almaty-akshamy.kz
Almaly aýdany komúnıtı ortalyǵynda ashylǵan kabyldaý pýnkti 29 naýryzdan bastap jumys istedi. Járdem qolyn sozýǵa qala turǵyndary, kásipkerler jáne belsendi jastar atsalysty.
Gýmanıtarlyq kómek qabyldaý pýnktiniń jumysyna qalanyń 30-dan astam iri volonterlik uıymynan 150-den astam eriktiler jumyldyryldy.
«Sý tasqynynan zardap shekken aımaqtar qazirgi ahýaldy jáne qandaı zat¬tar qajet ekenin habarlap, bizge barlyq aqparatty joldap oty¬rady. Aldyńǵy aptada biz Oral qalasyna 10 tonna gý¬manıtarlyq kómekti tabystap qaıttyq. Al qazir Atyraý obly¬syna gýmanıtarlyq kómek jınap, jiberip jatyrmyz. Atyraý oblysyna jınalǵan zattardyń bir bóligin Air Astana jáne Fly Arystan kompa¬nıalary, ekinshi bóligin qalamyz-dyń kásipkerleri júk kóligimen tegin jetkizip berýge nıet bildirdi. Gýmanıtarlyq kómekti jınaýǵa atsalysqan barsha almatylyqtarǵa erekshe alǵys bildiremin», - dedi Almaty qalasy volonterler front-ofısynyń jetekshisi Baǵdat Anarbaeva.
Almaly aýdanynyń komúnıtı ortalyǵynda ashylǵan gýmanıtarlyq kómek qabyldaý pýnkti jumysyn jalǵastyra beredi. Jumys ýaqyty demalyssyz 10:00-den 19:00-ge deıin.
Aıta ketý kerek, almatylyq erik¬tiler osyǵan deıin Qazaq¬stan¬da jáne álemde bolǵan tabıǵı apat¬tar kezinde de únsiz qalmaı, qoldan kelgen kómegin aıanyp qalǵan emes. Byltyr Túrkıadaǵy joıqyn jer silkinisinen zardap shekkenderge 50 tonna, al Abaı oblysyndaǵy qyzyl jalynnyń saldarynan qıyndyq kórgen tur¬ǵyndarǵa 5 tonnadan astam gýma¬nı¬tarlyq kómek jınady. Odan ózge eriktiler front-ofısi demeý¬shiler tarta otyryp, bir jyldyń ishinde 10 myń az qam¬tylǵan otbasyǵa, 350 jetim balaǵa, 800-den astam qartqa kómek kórsetken.
