Almatydan 195 shaqyrym qashyqta jer silkindi, - dep habarlaıdy aqshamnews.kz tilshisi.
Jer silkinisi Almaty qalasynan ońtústik-shyǵysqa qaraı 195 shaqyrym qashyqta Qyrǵyzstan aýmaǵynda ornalasqan.
"14 qazanda Astana ýaqytymen saǵat 12:17-de Qyrǵyzstan aýmaǵynda jer silkinisi tirkeldi. Magnıtýdasy - 4.0, energetıkalyq klasy - 9.3", - dep jazylǵan Qazaq Ulttyq derekter ortalyǵynyń habarlamasynda.
Eýropa-Jerorta teńizi seısmologıalyq ortalyǵynyń (EMSC) derekterine sáıkes, jer silkinisiniń epısentri Bishkekten ońtústik-shyǵysqa qaraı 24 shaqyrym jáne Almatydan ońtústik-batysqa qaraı 195 shaqyrym jerde ornalasqan.
Qyrǵyzstan Ulttyq ǵylym akademıasynyń Seısmologıa ınstıtýtynyń habarlaýynsha, eldi mekenderde jer silkinisiniń kúshi shamamen 2,5 bal bolǵan. Jer silkinisi Qara-Moınok, Tash-Dóbe jáne Don-Alysh aýyldarynda sezilgen.