Keńsaı zıratynan qarý tabyldy.
Almaty qalasy, Almaty jáne Jetisý oblystary boıynsha QAJ departamenti №72 mekemesi jedel bóliminiń aqparaty boıynsha Almaty qalasy polısıa departamenti uıymdasqan qylmysqa qarsy kúres basqarmasymen birlesip ótkizilgen jedel-izdestirý is-sharasynyń nátıjesinde Keńsaı zıratynyń mańynan IJ jáne TOZ eki tegis uńǵyly myltyq, Ýral bir myltyq jáne patrondar tabyldy, dep habarlaıdy Almaty-akshamy.kz Polisia.kz-ke silteme jasap.
«Sondaı-aq atalǵan mekeme jedel qyzmetkerleriniń aqparaty boıynsha Túrksib aýdanyna qarasty aımaqtan da tegis uńǵyly bir myltyq pen patrondar tabyldy. Atalǵan faktiler boıynsha Medeý jáne Túrksib aýdandyq polısıa basqarmalarynan jedel-tergeý toby shaqyrylyp, tirkelgen fakt boıynsha Qylmystyq kodekstiń 287-baby, 1-bólimi boıynsha qylmystyq is qozǵaldy», – dep habarlaıdy Almaty qalasy, Almaty jáne Jetisý oblystary QAJD baspasóz qyzmeti.