Usynylǵan qujattamaǵa sáıkes klýbtyń jobalyq qýaty 400 adamdy quraıdy
«Almaty» áleýmettik-kásipkerlik korporasıasy» AQ jobalarmen jumys departamentiniń dırektory Evgenıı Mesgerdiń sport klýbynyń jobasyn iske asyrýǵa qatysty túsinikteme berdi, dep habarlaıdy Almaty-akshamy.kz.
2020 jylǵy 2 qarashada «Almaty «Áleýmettik-kásipkerlik korporasıasy» AQ-ǵa (budan ári – Almaty ÁKK) ınvestor – «Sporttyq kúresti damytý qory» QQ «Shamıl Serikov atyndaǵy balalar sport klýby» jobasyn iske asyrý úshin jer ýchaskesin bólý týraly ótinishpen júgindi.
Usynylǵan joba aıasynda 3 jeke jekpe-jek zaly, sport zaly, kıim aýystyratyn bólme, kúres, gımnastıka, ıoga, krosfıt jáne basqa da fıtnes baǵdarlamalaryn (WRESTLINGKID, WRESTLINGFIT, WRESTLING GYM) iske asyratyn ári dýsh kabınalary bar jalpy aýdany shamamen 1000 sharshy metr bolatyn metal konstrýksıalardan angar úlgisindegi ǵımarat salý josparlanǵan edi. Sonymen qatar, ǵımarattta kafeler, demalys oryndary jáne basqalar ashylady dep josparlanǵan.
Usynylǵan qujattamaǵa sáıkes klýbtyń jobalyq qýaty 400 adamdy quraıdy. Bul rette, joba áleýmettik nysana retinde salynatyndyǵyna qaramastan, «Halyqtyń áleýmettik osal toptary» (HÁOT) sanatyna jatatyn adamdardy qoldaýǵa baǵyttalǵan kvotany turaqty negizde usyný kelýshilerdiń nebári 2,5%-yn (keminde 10 adam) quraıdy. Qarjylyq modelge sáıkes abonementterdiń boljamdy satylymy aıyna 15000 teńgeden 1500 birlikti quraıdy. 60%-dyq júktemeni eskere otyryp, satý kólemi aıyna 900 abonementti quraıdy, bul jobanyń komersıalyq quramdas bóliginiń aıtarlyqtaı basymdylyǵyn jáne áleýmettik mańyzynyń shamaly ekenin ( tıimdiligin) kórsetedi. Sondaı-aq, bıznes-josparda balalardy sport seksıalaryna tegin qabyldaý boıynsha áleýmettik mindettemelerdi iske asyrý týraly aqparat kórsetilmegen.
Jer ýchaskesiniń ózine keletin bolsaq, Almaty qalasy ákimdiginiń 2021 jylǵy 18 qańtardaǵy qaýlysymen Almaty qalasy, Áýezov aýdany, Jetisý-3 shaǵyn aýdany mekenjaıynda ornalasqan «Sh. Serikov atyndaǵy balalar sport klýby» úshin nysanaly maqsaty bar jalpy aýdany 0,15 ga (15 akr) jer ýchaskesi bólingen.
2021 jylǵy 1 qarashada Almaty ÁKK ýákiletti alqaly organy qordyń ÁKK-den 5 jyl merzimge jer ýchaskesin ýaqytsha óteýli uzaq merzimdi paıdalanýdyń satyp alynǵan quqyǵyn satyp alý shartymen 15 117 408 teńge quny boıynsha «Sporttyq kúresti damytýdaǵy balalar klýbynyń qurylysy» qorymen birlesken jobany iske asyrý týraly sheshim qabyldady (kórsetilgen merzim ótkennen keıin, jer ýchaskesin ýaqytsha óteýli uzaq merzimdi paıdalaný quqyǵyn kadastrlyq quny boıynsha jeke menshikke ýchaskeni satyp alý). Sondaı-aq, qunǵa Almaty ÁKK-niń 1 752 375 teńge mólsherindegi syıaqysy (5 jylǵa ýchaskeni jalǵa alýdyń jalpy somasynyń 15%) engizildi.
2021 jylǵy 7 jeltoqsanda Almaty ÁKK qordan Almaty ÁKK syıaqysyn, sondaı-aq ýchaskeniń ózin ótkizý qunyn qoldaný bóliginde qabyldanǵan sheshimmen kelispeıtinin bildirip hat (2021 jylǵy 7 jeltoqsandaǵy №21) joldady.
Óz is-áreketterinde Almaty ÁKK Qazaqstan Respýblıkasy Zańynyń (Memlekettik múlik týraly Zań) 34-babyn basshylyqqa aldy, oǵan sáıkes ótkiziletin/satyp alynatyn múliktiń quny naryqtyq qun mólsherinde jáne baǵalaýshy baǵalaý júrgizilgen kúni aıqyndaıdy.
2022 jylǵy 27 sáýirde Almaty ÁKK Qazaqstan Respýblıkasy Básekelestikti qorǵaý jáne damytý agenttiginiń Almaty qalasy boıynsha departamentinen «Investısıalyq bolyp tabylmaıtyn jobalarǵa jer ýchaskelerin alýǵa ótinimder berý praktıkasyn toqtatý jáne tıisti sharttar jasasý qajettigi týraly» eskertý habarlamasyn aldy, oǵan joǵaryda kórsetilgen jer ýchaskesi de kiredi. Osyǵan baılanysty Almaty ÁKK arqyly jobany odan ári iske asyrý toqtatyldy.