2020 jyly 23 salalyq joba júzege asyryldy, onyń 6-ýy jasandy ıntellekt algorıtmderin qoldanady.
Almaty ákimi Baqytjan Saǵyntaev «Almaty» telearnasyndaǵy kezekti tikeleı efır barysynda qala sharýashylyǵyn sıfrlandyrý jónindegi jobalar týraly aıtty, dep habarlaıdy Almaty-akshamy.kz.
«Qala servıs retinde: 24/7» tujyrymdamasyn iske asyrý aıasynda bilim berý, densaýlyq saqtaý, mádenıet jáne kólik ınfraqurylymy salalaryn sıfrlandyrý jónindegi jobalar digital-almaty.kz portalynda jarıalanǵan. IT-kompanıalarynyń ókilderi 49 baǵyttyń birin tańdap, ózderiniń sheshimderin usyna alady.
Servıstik ádisterdiń arqasynda belgili bir baǵytta salalyq quzyreti bar kásiporyndar paıda bolady ári bıznesi óz ónimderiniń sapasyn jaqsartý úshin qarjy bólýge daıyn bolady. Óz kezeginde, azamattardyń nemese memlekettik organdardyń keri baılanysy negizinde qala damıdy nemese sapany baǵalaý júıesi negizinde naqtyly qyzmetti qalyptastyrady.
2020 jyly 23 salalyq joba júzege asyryldy, onyń 6-ýy jasandy ıntellekt algorıtmderin qoldanady. Mysaly, qoǵamdyq qaýipsizdik salasynda «Sergek» jobalary, 1000 kameraǵa arnalǵan beınemonıtorıng júıesi, TJ boljaý júıesi, órtti anyqtaýǵa arnalǵan jylý beıneleý kameralary, qaýipsizdik jónindegi sıtýasıalyq ortalyq, baǵdarshamdy basqarýdyń avtomattandyrylǵan júıesi jáne BKDQ.
Turǵyn úı-kommýnaldyq sharýashylyq salasynda — ınjenerlik jelilerdiń monıtorıń júıesi, kórsetkishterdi qashyqtyqtan jiberetin eseptegishteri bar qurylǵylar, páter ıeleri men qyzmet kórsetetin uıymdar arasyndaǵy ózara is-qımyl júıesi, kóshe jaryqtaryn basqarý júıesi. Qalany basqarý boıynsha – satyp alýǵa jáne qalany josparlaýǵa qoljetimdilik, búdjettik baǵdarlamalardyń oryndalýyn monıtorıńileý, qalanyń sıtýasıalyq ortalyǵy, memlekettik qyzmetterdi avtomattandyrý.
Bilim berý salasynda — sport mektepterin basqarýdyń avtomattandyrylǵan júıesi, memlekettik bilim berý mekemelerindegi qaýipsizdiktiń keshendi júıesi, qalanyń barlyq mektepterinde býhgalterıany ortalyqtandyrý jónindegi joba.