«Sary» jáne «qyzyl» mártebesi bar jeke tulǵalardyń Alakól aımaǵyna barýyna tyıym salynady.
Shetel azamattarynyń mártebesin tekserý úı-jaıǵa kirýdi baqylaıtyn qyzmetkerdiń Ashyq qosymshasyna pasport nómirin engizý arqyly júzege asyrylady, dep habarlaıdy Almaty-akshamy.kz QR Densaýlyq saqtaý mınıstrliginiń baspasóz qyzmetine silteme jasaı otyryp.
Qyzmetkerler men demalýshy týrıserdiń qaýipsizdigi men Alakól kóliniń jaǵalaýynda koronavırýstyq ınfeksıasynyń taralýyn barynsha azaıtý kásipkerlik sýbektileriniń «erikti» qatysýshylar formatynda Ashyq jobasyn engizýi arqyly qamtamasyz etiledi.
Munymen qosa, demalys aımaǵynda kúsheıtilgen sanıtarıalyq-dezınfeksıalyq rejım, termometrıa, betperde kıý tártibi jáne áleýmettik qashyqtyq saqtalatyn bolady.
Kásipkerler nemese kelýshilerdi demalys jáne turý oryndarynda ornalastyrýǵa jaýapty tulǵalarǵa, sondaı-aq kóldiń týrısik-rekreasıalyq aımaǵynda ornalasqan qyzmet kórsetýshi ózge de obektilerge qonystanatyn demalýshylardyń «jasyl» jáne «kók» mártebesin QR-kod nemese JSN arqyly teksergen kezde ǵana jumys isteýge ruqsat etilgen.
Kelýshiler berilgen kúninen úsh táýlikten aspaıtyn, teris nátıjesi bar PTR ádisimen júrgizilgen zerthanalyq tekserý týraly qujatty (erip júrýshilerde anyqtama bolǵan kezde 5 jasqa deıingi balalardy qospaǵanda) nemese koronavırýstyq ınfeksıasyna qarsy vaksınasıalaýdyń tolyq kýrsyn alǵanyn rastaıtyn qujatty usynǵan kezde, olar týrısik-rekreasıalyq aımaq obektilerine óz statýsyn teksermeı kire alady.
Sonymen qatar, eńbekke ýaqytsha jaramsyzdyǵyn rastaıtyn qujatty usynǵan azamattardyń demalys aımaǵyna statýsyn teksermeı kirýine ruqsat beriledi.
Shyǵys Qazaqstan oblysynyń Bas memlekettik sanıtarıalyq dárigeriniń «Shyǵys Qazaqstan oblysynyń Buqtyrma sý qoımasynyń, «Alakól» kóliniń jáne «Rahman qaınarlary» sanatorııiniń týrısik-rekreasıalyq aımaqtarynda COVID-19 koronavırýstyq ınfeksıa aýrýynyń ákelinýi men taralýynyń aldyn alý jónindegi sharalar týraly» 23 mamyrdaǵy qaýlysyna sáıkes, Alakól kóliniń jaǵalaýyna keletin azamattar úshin PTR ádisimen COVID-19-ǵa mindetti zerthanalyq tekserý júrgizý jáne onyń nátıjelerin usyný talaby qoıylmaıdy.
Aıta keteıik, Ashyq jobasyna qatysatyn tasymaldaýshylardy qospaǵanda, oblysaralyq jáne qalalyq turaqty emes (týrısik) tasymaldar belgili bir shekteýlermen júzege asyrylmaq.