Zańsyz saýdamen aınalysqan 42 jastaǵy áıel ustaldy.
Jetisý aýdanyndaǵy saýda úıleriniń birinde ol Qazaqstanda aınalymyna tyıym salynǵan elektrondy temekilerdi satqan, dep habarlaıdy aqshamnews.kz Polisia.kz-ke silteme jasap.
– Osy jyldyń 20 maýsymynda veıpterdi satýǵa tyıym salatyn zań kúshine engenin eske salamyz. Osyǵan sáıkes, Qazaqstan Respýblıkasynyń qylmystyq kodeksine 301-1-bap (Shylym shekpeıtin temeki buıymdaryn, elektrondy tutyný júıelerin (veıp), hosh ıistendirgishter men olarǵa arnalǵan suıyqtyqtardy satý) tolyqtyryldy. Shylym shegýge bolmaıtyn temeki ónimderiniń, onyń ishinde elektrondy tutyný júıelerin (veıpter), hosh ıistendirgishter men suıyqtyqtardy qosa alǵanda, olardyń aınalymy úshin qylmystyq jaýapkershiliktiń qarastyrylýy azamattardyń densaýlyǵyn temekiniń jańa túrleriniń jáne quramynda nıkotın bar ónimderdiń zıandy áserinen qorǵaý kúsheıtilgen memlekettik saıasatty kórsetedi. Sondaı-aq halyq arasynda, ásirese jastar arasynda yqtımal qaýipti zattardyń taralýyna baılanysty táýeldilikti azaıtý, – dedi Almaty qalalyq PD ekstremızmge qarsy kúres basqarmasynyń bastyǵy Asqat Dáýletıarov.