Almaty polısıasy azamattardy úreılenbeýge, tynyshtyq saqtaýǵa shaqyrdy
Almatyda qalanyń iri saýda-oıyn-saýyq ortalyqtarynyń biriniń qyzmetkerleri men kelýshileri evakýasıalandy, dep habarlaıdy Almaty-akshamy.kz.
Polısıa departamenti baspasóz qyzmetiniń málimetinshe, 2022 jylǵy 21 maýsymda saǵat 16:09-da Almatydaǵy saýda úıleriniń birine jarylǵysh zat qoıyldy degen habarlama kelip túsken.
«Mundaı habarlamalarǵa bastapqy den qoıý algorıtminiń sheńberinde, birinshi kezekte ortalyqqa kelýshiler men qyzmetkerlerdi evakýasıalaý júzege asyryldy. Jol-patrýldik polısıa jasaqtary osy obektige irgeles júris bóligine kólik quraldaryn burýdy júzege asyrady»,-dedi Almaty polısıa departamenti
PD jedel basqarý ortalyǵynda habarlaǵandaı, tekserý sharalary aıaqtaldy. Jarylǵysh zat qoıyldy degen aqparat jalǵan bolyp shyqty.
Sonymen qatar Almaty polısıasy azamattardy úreılenbeýge, tynyshtyq saqtaýǵa jáne qalada qaýipsizdikti qamtamasyz etý boıynsha júrgizilip jatqan is-sharalarǵa túsinistikpen qaraýǵa shaqyrdy.
Buǵan deıin áleýmettik jelilerde polısıa Moskva saýda ornyn qorshap alǵany, órt sóndirýshiler men jedel járdem kelgeni habarlanǵan edi.