Ózbekstan azamaty 126-shy baǵyt boıynsha jolaýshylardy tasymaldaǵan.
Bul derekti Áýezov aýdanynyń polıseıleri “Qaýipsiz jol” aılyǵy barysynda anyqtady.
«Tekserý kezinde júrgizýshide ózimen birge jeke basyn rastaıtyn qujattary da, júrgizýshi kýáligi de bolmady. Er adam olardy jumys ornynda umytyp ketkenin aıtty. Bul – zań talaptaryn anyq eskermeý jáne sonyń saldarynan jolaýshylardyń qaýipsizdigine qater tóndirý. Júrgizýshi men avtopark basshylyǵyna qatysty ákimshilik shara qoldanyldy», – dedi Almaty qalalyq PD Ákimshilik polısıa basqarmasy bastyǵynyń orynbasary Dáýlet Seıitqulov.
Sonymen qatar, polısıa Almatyda 19 shilde men 18 tamyz aralyǵynda «”Qaýipsiz jol” respýblıkalyq aılyǵy ótip jatqanyn eske saldy. Polısıa jol-kólik oqıǵalaryn azaıtýǵa jáne jol-kólik oqıǵalarynyń aldyn alýǵa, oǵan qatysýshylar arasynda jol qozǵalysy qaýipsizdigi talaptarynyń saqtalýyn qadaǵalaýǵa, tıisti qoǵamdyq tártipti, jol qaýipsizdigin qamtamasyz etýge, sondaı-aq qylmystar men basqa da zańsyz kórinisterdiń der kezinde aldyn alýǵa jáne jolyn kesýge erekshe kóńil bóledi. Qoǵamdyq kólikter arasynda jol qaýipsizdiginiń aldyn alý boıynsha jumystar kúsheıtildi.