Almatydaǵy eń jas Naýryzbaı aýdanynda birinshi jartyjyldyqta 100 myń sharshy metr turǵyn úı paıdalanýǵa berildi
2024 jyly Almatydaǵy Naýryzbaı aýdanynyń búdjeti 4 mlrd teńgege ósip, 18 mlrd teńgege jetti. Bıyl maýsymda aýdan búdjeti taǵy 5 mlrd teńgege ósip, 23 mlrd teńge boldy. Bul týraly qala ákimi Erbolat Dosaev aýdan turǵyndarymen kezdesýde málimdedi, dep habarlaıdy almaty-akshamy.kz
Almaty ákimi bıyl qurylǵanyna 10 jyl bolatyn damyp kele jatqan aýdan turǵyndarynyń áleýmettik jáne ınfraqurylymdyq máselesin sheshýge qarjy jumsalatynyn atady. Birinshi jartyjyldyqtyń qorytyndysy aýdannyń serpindi áleýmettik-ekonomıkalyq damýyn aıǵaqtaıdy.
Máselen, jumys istep turǵan bıznes sýbektileriniń sany 15%-ǵa ósip, 22 396-ǵa jetti. Bul ótken jyldyń osy kezeńimen salystyrǵanda salyq túsimin 60%-ǵa arttyryp, 25 mlrd teńgege deıin ulǵaıtýǵa múmkindik berdi. 1800 jańa turaqty jumys orny quryldy.
Sondaı-aq, osy jyldyń 6 aıynda Naýryzbaı aýdanynda 100 myń sharshy metrden astam turǵyn úı paıdalanýǵa berildi, bul 2023 jyldyń osy kezeńimen salystyrǵanda 23%-ǵa artyq.