Jyl saıyn qyrkúıektiń úshinshi jeksenbisinde Almatyda Qala kúnine arnalǵan túrli is-sharalar men baǵdarlamalar ótkiziledi. Osyndaı is-sharalardyń biri-Tuńǵysh Prezıdent atyndaǵy saıabaqtyń aýmaǵynda ótetin aýqymdy «Alma Fest». Munda búgin konsertter, kıno kórsetilimderi, qolónershiler jármeńkesi, ártúrli alma túrler men sorttardyń kórmeleri men Alma jármeńkesi jáne t.b. ótti, dep habarlaıdy aqshamnews.kz.
Megapolıs turǵyndary men qonaqtary merekelik is-sharalardan alǵan áserlerimen bólisti.
Qostanaıdan Almatyǵa kelgen Klara Qýanyshqyzy merekelik is-sharadan alǵan áserleri týraly aıtyp berdi:
«Men ózim Qostanaıdan keldim, balalarǵa qonaqqa keldim. Osy mereke kúni biz dostarymyzben kezdesip, qalany araladyq. İs-shara joǵary deńgeıde ótýde. Jáne aýa-raıy da tamasha. Barlyq jerde adamdardyń qýanyshty júzderi bar. Maǵan bári unady. Almaty áli de ádemi landshafttary bar erekshe qala. Barshańyzdy merekemen quttyqtaımyn! Barshańyzǵa baqyt tileımin, Almaty men Qazaqstan gúldensin», - dep bólisti ol.
Merekeniń 9 jasar Káýsar esimdi kishkentaı qonaǵy anasy Aınurmen birge keldi:
«Men saıabaqqa anammen birge konsertti tamashalaýǵa keldim. Biz bı bıledik, oınadyq, ádemi fonda sýretke tústik, alma men balmuzdaq jedik. Maǵan bári unady. Barshańyzdy merekemen quttyqtaımyn», - dep bólisti qyz qýanyshpen.
Almaty turǵyny Lázzat uıymdastyrýshylarǵa da alǵysyn bildirdi:
«İs-shara úshin kóp rahmet! Barlyǵy óte túrli-tústi, ádemi, bizge bári unady. Al búgin aýa-raıy qýantady! Barshańyzdy taǵy da merekemen quttyqtaımyn!».
Almatyda Qala kúnin merekeleý barlyq urpaq úshin jarqyn oqıǵa boldy. Dástúrli konsertter, ártisterdiń qoıylymdary, oıyndar men jarqyn fotoaımaqtar umytylmas atmosfera týdyryp, bul kúndi qalanyń barlyq turǵyndary men qonaqtary úshin erekshe etti.