Almatynyń Medeý aýdanynda 65 shaqyrym kabeldik jeli aýystyrylyp 10 myń jańa sham ornatyldy
Almaty ákimi Erbolat Dosaev turǵyndarmen kezdesý barysynda Medeý aýdanynda júrgizilip jatqan kóshe jaryǵyn jańǵyrtý jumystary týraly aı̆tty, dep habarlaıdy aqshamnews.kz
Máselen, 2024 jyly aýdanda 65 shaqyrym kabeldik jeli aýystyryldy, 10 myń jańa sham jáne 185 baǵana ornatyldy.
«Bıyl sáýir aı̆ynda 104 baý-baqsha seriktestiginde jáne buryn jaryq bolmaǵan 5 kóshede – Bekturov, Tájbenov, Báı̆ishev, Álimjanov jáne Qyz Jibek kóshelerinde 83 shaqyrym kóshe jaryǵyn júrgizý jumystary bastalady. Bul buryn-sońdy kóshelerinde jaryq bolmaǵan aýmaqtar, bul jumystardy 2025 jyldyń qarasha aı̆yna deı̆in tolyq aıaqtaýdy josparlap otyrmyz», – dedi Erbolat Dosaev.
Osylaı̆sha, 2025 jyldyń sońyna deı̆in aýdan kóshelerin 100% jaryqtandyrý kózdelgen.
Buǵan qosa, Almaty ákimi qalanyń mańyzdy ımıjdik jobasynyń biri – «Kóktóbe» telemunarasyn sáýlettik jaryqtandyrý týraly aı̆tty. Bul joba byltyr tamyz aı̆ynda iske qosylǵan. Jaryqtandyrý júı̆esi 38 myń LED-modýlden, 153 projektordan jáne 377 qýat blogynan turady. Jańa jaryq júı̆esi ártúrli sharalar kezinde erekshe atmosfera qalyptastyrýǵa múmkindik berdi.
Aı̆ta keteı̆ik, bıyl Almatyda 600 buryn jaryqtandyrylmaǵan ýchaskege kóshe jaryǵyn júrgizý, 4 500 jańa jaryq shamyn ornatý jáne 800 kósheni jaryqtandyrý basqarý shkafyn jańǵyrtý josparlanǵan. Sondaı̆-aq, uzyndyǵy 136 shaqyrym bolatyn jańa jaryq jelileri salynady. Bul sharalar qala keńistiginiń 100% jaryqtandyrylýyn qamtamasyz etýge múmkindik beredi.